Eth mag dera tardor a tornat a visitar es mainatges e mainades dera Val d’Aran, escampant huelhes de colors, fruts e vent per toti es racons dera val. 🍂✨

Aguesta setmana, damb es escòles Loseron (Arties), Ruda (Salardú) e Castèth-Leon (Es Bòrdes), auem viscut ua jornada plena de descobèrta, magía e natura.

📖 Ua istòria que da vida ara tardor

Eth dia a començat damb eth conte “Eth mag dera tardor”, un personatge que, damb era sua maleta, desvelhe tot çò que caracterize aguesta sason: eth vent fresc, es huelhes daurades, es fruts secs e es prumères heiredes.

Damb aguesta istòria, es mainatges auem trabalhat es cinc sensi, preparant-mos entà anar a descobrir çò que mos aufrís era natura.

🌳 Descobrir damb es sensi

Dempús, auem gessut a caminar per pròp dera escòla entà observar, escotar, tocar e olorar eth païsatge d’auton.
👀 Auem vist es cambiaments de color des huelhes e des montanhes.
👃 Auem olorat es fruts e era tèrra umida.
✋ Auem tocat pinyes, aglans e huelhes seques.
👂 Auem escotat eth vent e eth silenci deth bòsc.
😋 E fin finau, auem tastat sabors de tardor: poma, mandarina, magrana, nous e avellanes.

Cada sens, cada moment, a estat ua manèra d’apréner a estimar eth nòste entorn. 💚

🌿 Apréner dera natura

Aguestes activitats ajudan a qu’es mainatges se senten part deth territòri, a qu’observen, s’interessen e disfruten dera natura damb curiositat e respècte.

Eth mag dera tardor mos a deishat un present preciós: es ganes de seguir explorant eth nòste país damb es cinc sensi e damb es uelhs plens de meravilha. ✨