Eth dia 26 de març er Alumnat des Instituts deth Pirenèu presente es sòns trebalhs de recerca de Bachilherat. En ua session enguan excepcionau, en encastre provocat pera pandèmia, es presentacions se realizaran on line. Aciu auetz eth programa dera Jornada Invesjove 2021.
Ena dusau part coma indique eth programa, compdaram damb ua conferéncia deth Sr. Samuel Sánchez Ordóñez damb era sua ponéncia: “Com els nanorobots milloraran la nostra qualitat de vida?”. Mos presentarà d’ua sòrta simpla quin ei eth sòn prètzhèt e quina ei era sua trajectòruia professionau:
Samuel Sánchez Ordóñez ei licenciat e doctor en quimica pera Universitat Autònoma de Barcelona. A realizat estades de recèrca ena Universitat de Twente (Holanda), en National Institute for Materials Science (Japon) e en Leibniz Institute for Solid State and Materials Research de Dresden (Alemania). Tanben a estat investigaire deth prestigiós Institut Max Planck de sistèmes d’intelligéncia ena ciutat de Stuttgart (Alemania). En aguest moment ei sotdirector der Institut de Bioenginyeria de Catalunya (IBEC) a on trebalhe coma investigaire dera Institució Catalana de Recerca i Estudis Avançats (ICREA), e lidère eth sòn propri grop d’investigacion de’“Smart nano-bio-devices”. En 2020 siguec seleccionat coma un des investigaires dera ” Academia Joven de España” a on, entre d’auti, s’i fomente era promocion dera sciéncia ena joenesa en tot balhar visibilitat as joeni scientífics excepcionaus que pòden esdevíer modèus a seguir.
Es sues principaus investigacions s’an centrat en dessenh de nanorobòts autopropolsadi que navèguen en còr uman e que pòden realizar prètzhèts coma dossificacion de farmacs. Ath delà es nanorobòts pòden èster plan importants entà ahèrs coma era netitge d’aigües contaminades e d’autes aplicacions en mieiambient..
Samuel Sánchez a publicat mès de 150 articles scientífics en prestigioses revistes nacionaus e internacionas, a registrat 7 patents e a hèt ponéncies en mès de 120 jornades e congressi scientifics en tot eth mon. Ei guanhaire de prestigiosi prèmis enes que destaquem, eth Prèmi MIT ar Innovador menor de 35 ans (2014), eth Prèmi Fundació Princesa de Girona en Recerca Científica (2015) e eth Nacionau de Recerca de Talent Jove (2016). En 2017, obtenguec eth reconeishement deth recòrd Guinness per auer dessenhat eth micromotor més petit deth mon, de 220 nm e superant eth rècord qu’eth madeish artenhec en 2010 de 600 nm. Recentament (2019) a estat seleccionat entara “Consolidator Grant”, qu’ei ua des subvencions de recerca mès desirades e autrejada peth Conselh Europeu de Recerca (ERC).
