Eth passat diuendres 26 d’abriu ena glèisa de Mijaran de Vielha es presentèc era beca Es Terçons, prebotjada peth Conselh Generau d’Aran, concrètaments des der Archiu Generau d’Aran e er airau de Patrimòni culturau. Aguesta beca cerque promòir investigacions ath torn dera istòria, era lengua e era cultura aranesa entre es nòsti joeni e joenes.
En aguest madeish acte se balhèc era prumèra beca. Eth guanhador estec David Bruna Moralejo, premiat pera sua investigacion “Contribucion ar estudi deth sistèma de moneda de compde e creditici dera Val d’Aran ena Edat Modèrna”.
Eth CRP Val d’Aran participèc ena organizacion der acte, adreçat as escolans/es de quatau dera ESO e prumèr de Bachilierat der Institut d’Aran, e compdèc damb era assisténcia dera Conselhèra de Coneishement deth Conselh Generau d’Aran e er inspector d’Educacion deth departament d’Educacion.
Ara seguida es escolans/es gaudiren damb era charrada de Fran Rojas “Eines practiques per a la gestió emocional” auferida pera associacion AMENTARAN.