Eth Plan de Dinamica Educativa dera Val d’Aran ei un projècte conjunt, que se realize des de hè sies ans, entre eth Conselh Generau d’Aran e eth Centre de Recorsi Pedagogics dera Val d’Aran deth Departament d’Educacion dera Generalitat de Catalunya.
Aguest Plan ei adreçat a toti es centres educatius deth territòri: Escòles Mairaus, Escòles d’Infantila e Primària e Escòles de Segondària, damb era finalitat d’aufrir e hèr a conéisher as centres, es activitats que s’amien a tèrme enes diferentes entitats o institucions deth territòri, e aportar recorsi e iniciatives pedagogiques ara nòsta comunitat educativa.
Es propòstes d’aguest Plan son estructurades pes diferentes entitats collaboradores que se meten a disposicion des centres tà fomentar era participacion e arténher es objectius següents:
- Promòir er usatge der aranés.
- Desvolopar iniciatives educatives que supausen un milhor coneishement e apropament ara nòsta realitat istorica, culturau, naturau e sociau deth parçan.
- Facilitar as mèstres e professors un sòrta d’activitats que se poguen includir ena programacion deth cors e que siguen motivadores entàs alumnes.
- Potenciar era implicacion des Institucions e Entitats locaus e deth territòri, atau coma de tota era comunautat educativa, enes activitats informatives e culturaus que s’organizen des des centres e des deth servici educatiu.
- Organizar activitats que faciliten era relacion d’escambi entre eth professorat e er alumnat des diferenti centres educatius deth parçan.