Er impuls deth servici comunitari entar escolanat dera segondària obligatòria ei ua accion que vò prebotjar qu’es escolans e escolanes experimenten e protagonizen accions de compromís civic, qu’aprénen en exercici actiu dera ciutadania e qu’er escolanat sigue protagonista des accions civiques per miei des sues accions, capacitats e coneishements.
Objectius generaus deth Servici comunitari:
- Desvolopar era competéncia sociau e ciutadana, favorir ua actitud critica e compromesa deuant dera societat, pr’amor de devíer deuant dera societat coma membres actius.
- Desvolopar abilitats restacades damb eth dessenh e realizacion de projèctes e damb eth trebalh en equipa..
- Balhar coneishement tar escolanat e es sues famlhes deth hilat sociau, associatiu e damb es entitats der entorn pr’amor de promòir era participacion des joeni.
- Promòir eth trebalh en hilat entre es desparièrs agents educatius der entorn.
- Balhar ua responsa educatiua tàs besonhs emergents der entorn escolar..
- Aumentar era participacion en hilat associatiu e enes entitats sociaus pr’amor de fomentar eth compromís entà bastir ua societat mès justa, coesionada damb eth parçan..
Finalitat
Eth Servici Comunitàri ei un esturment deth desvolopament des competécies basiques mercades en curriculum dera educacion segondària sus era competéncia sociau e ciutadana.
A coma objectiu garantisar qu’ er escolanat ath long dera sua trajectòria escolara e en encastre curricular, experimente e protagonize accions de compromís civic, en tot apréner en exercici actiu dera ciutadania e mobilizar es propris coneishements e capacitat en servici dera comunautat. Apren a èster ciutadan ena practica.
A on encaishe?
Eth Servici Comunitari cau que se hèsque en 3au e/o 4au dera ESO e cau que forme part dera programacion d’un o mès airaus. Es projèctes deth Servici Comunitari vòlen desvolopar era competéncia basica sociau e ciutadana e poder èster ubicadi en quisevolh encastre que desvolope era predita competéncia.
Dedicacion
Eth temps dedicat pòt èster flexible, en tot atíer era tipologia d’activitat que s’amie. Des dera experiéncia des centres a on s’an desvolopat activitats deth servici comunitari, s’aconselhe ua dedicacion aproprètz de 20 ores en desvolopament des quaus 10 ores cau que siguen de servici actiu entara comunautat.
Eth servici comunitari ei ua activitat curriculara, non ei ua activitatat extraescolara, per tant a eth tractament academic corresponent..
Encastre orari
Eth servici comunitari compren ua part d’aprenedissatge que se realitzarà laguens der orari escolar e d’un servici actiu tara comunautat que se amiarà dehòra d’aguest orari, cossent damb es besonhs dera entatitat damb es que collabore.
Aguest servici actiu calerà que sigue inclodit ena programacion generau annau deth centre. Aprovada peth director damb consulta preceptiua deth conselh escolar.
Resolucion de 20 de junh de 2014
Documents per a l’organització i la gestió de centres. Organització del temps escola. Apartat 6. Activitats fora del recinte escolar. Apartat 6.1. Programació
“La programació de les activitats que s’hagin de fer fora del recinte escolar o que pel seu caràcter general impliquin l’alteració de l’horari habitual, s’ha d’incloure en la programació general anual del centre o s’ha de preveure amb prou antelació i ser valorada pel consell escolar. En el marc d’aquesta programació, les activitats específiques les ha d’autoritzar el director del centre”
Obligatorietat
Era activitat deth servici comunitari forme part deth curriculum, per tant obligatòri. Coma eth prèst deth servici implique realizar es activitats dehòra deth centre, se pòt dar eth cas que i age escolanat que damb justificacion non pogue participar. En aguesti casi, eth centre calerà que hèsque prevision der sua atencion especifica e eth contengut curricular alternatiu.
Resolucion de 20 de juny de 2014
Mès informacion sus eth Servei comunitari a la XTEC.
Web del Servei Comunitari de les terres de Lleida.
