Eth dia 18 de junh es escolans de 4au ESO der Institut d’Aran se graduèren en Santuari de Santa Maria de Mijaran. Er inici der acte siguec regaudit pera actuacion musicau damb eth saxofòn d’un joen acabat de graduar, dera promocion 22-26. Es alumnes arremasseren… Llegeix més»

Eth Departament d’Educacion e Formacion Professionau met a disposicion des centres educatius un amàs de programes e iniciatives entà enriquir eth projècte educatiu e dar responsa as rèptes actuaus dera educacion.

Aguestes propòstes tracten encastres clau coma era educacion en valors, era convivéncia, era cultura dera patz, era alimentacion salutosa o eth pensament critic, e aufrissen recorsi, materiaus e acompanhament entà facilitar era sua implementacion en aula.

Es programes e iniciatives que s’aufrrissen son es següentes:

• Projècte “Mil·lenari de les assemblees de pau i treva (1027–2027)”
• Programa “Combatem els discursos de l’odi”
• Programa d’educacion alimentària “Tothom a taula”​​

Destinataris​

Se sage d’iniciatives pensades entara educacion infantila, era educacion primària e era educacion segondària obligatòria, damb ua clara orientacion competenciau e alinhadi damb eth curriculum en aplicacion.

Damb aguestes actuacions se vò contribuir ara formacion integrau der alumnat e ath desvolopament d’ua ciutadania critica, responsabla e comprometuda damb sòn entorn.

Sollicitud​ d’inscripcion

Termini:

Deth 8 de junh entath 8 de junhsèga de 2026

Eth  27 de junh aurà lòc enes Cotxeres de Sants: era XXV Jornada Annau deth Hilat de Competéncies. 

Serà ua jornada entà celebrar es vint-a-cinc ans de trajectòria compartida, damb plan des persones qu’an participat ath long deth temps, convèrses inspiradores e veus expèrtes coma es de Fernando Hernández, Neus Sanmartí, David Duran, Javier Onrubia, entre plan d’autes.

Vos i demoram!

Enlaç d’inscripció

Eth pròplèu deluns 15 de junh entàs 18 ores, ena Glèisa de Santa Maria de Mijaran, aurà lòc er acte de liurament des prèmis 36au Mn. Condò Sambeat,  26au Aran de Literatura, 5au Concors de Cuertmetratges en aranés e 2au Concors de TicTòc.

Era Escòla Oficiau d’Idiòmes de Lhèida auferirà aguest nau cors 2026-27 corsi  en CPD de VIELHA des nivèus B1 e B2.2 d’anglés e B1 e B2.1 de francés.

Quinsevolhe pregunta qu’agegatz podetz hèr un corrèu a Jordi Masich- coordinador des CPD- administracioeoi@eoilleida.cat o picar ath  973224321

Es dies 1,2,3 de junhsèga se celebraran es II Jornades d’Ostiu, que haràn loc ath Institut Joan Brudieu, ara Seu d’Urgell.

Es jornades de tematiques diferentes seràn adreçadi as ensenhaires d’educacion infantila, primària, segonndària, FP, CFA, EOI, PAE e toti es professionaus des servicis educatius deth Alt Pirineu e Aran.

Podetz trapar tota era informacion en es següents enlaçaments:

MakerLab Pirineu – 1 de juliol – CODI GTAF 6150671615

Territori, Educació i Paisatge – 1 de juliol – CODI GTAF 6141221614

Construir Pertinença: Entorns Educadors – 2 de juliol – CODI GTAF C00031050C

Espais que cuiden, persones que creixen – 3 de juliol – CODI GTAF 5030521503

Mès inforomacion aciu

Mos platz presentar-vos eth concors eMOTION 2027, ua iniciativa que promò era creativitat, era expression artistica, er ús dera lengua catalana e aranesa es competéncies digitaus der escolanat mejançant era creacion  de cuertmetratges damb era  tecnica stop-motion. Eth concors s’enquadre enes activitats preliminares der ANIMAC – Mostra Internacional de Cinema d’Animació de Catalunya.

Era edicion d’enguan vire ath torn dera tematica ERA DIVERSITAT. Se pòt participar des dera educacion infantila enquia CFGS e FP de grau basic, de forma individuau o collectiua. Eth tèrme d’inscripcion ei deth 25 de mai enquiath 31 de deseme de 2026, e era ceremònia de barrament aurà lòc eth 24 de hereuèr de 2027 en Teatre dera Llotja de Lleida.

Ath delà, enguan, eth professorat qu’inscriue ath sòn escolanat o l’acompanhe en procès de creacion des cuertsmetratges aurà era oportunitat de certificar ores de formacion e arrecéber assessorament professionau es mesi de seteme a deseme. Se sage d’un recors completaments voluntari que metem ara vòsta disposicion tà balhar supòrt ath trebalh docent en encastre audiovisuau.

Traparatz tota era informacion detalhada enes bases adjunhudes. Entà  quinsevolh dobte o consulta, podetz contactar-nos  emotionlleida@gmail.com.

Consultatz es bases:BASES DETH CONCORS eMOTION 2027-1

Se daurís ua naua convocacion deth programa Centres en Dança pera inclusion entath cors 26-27, ua iniciatiua que prebotge procèssi de transformacion enes centres educatius entà auançar en ua cultura mès inclusiva, participativa e coesionada.

Es centres participants dispausaràn de:

Guides d’orientacions e recorsi tà  facilitar eth desplegament deth projècte.

Acompanhament des dinamizadores d’educacion inclusiva (DEI).

A trauès d’activitats flexibles e adaptables a cada etapa educativa, eth programa fomente era conviuença, eth sentiment de apertenéncia e era participacion activa der escolanat, situant-le coma protagoniste deth procès.

Eth formulari d’inscripcion ja ei dubèrt

Es centres interessadi pòden consultar tota era informacion actualizada en Portal de Centre, ena plana deth programa e formalizar era sua sollicitud.

En encastre deth programa RecerAULA, eth proplèu 2 de junhsèga aurà lòc ua jornada entà compartir experiéncies deth programa RecercAULA e entà bastir pònts entre es centres educatius e grops de recèrca.

 Era jornada aurà  loc en Hotel UAB Campus e i aurà dues parts diferenciades. Ua prumèra part, en exclusivitat entàs participants deth programa RecercAULA e ua segona part, de 11.00  a 14.00 ores, a on es centres RecercAULA presentaràn es sues recèrques (en format panèu o article). Serà ua session dubèrta ad auti ensenhants, Servicis Educatius e tà  grops de recèrca universitaris, interessats en escambiar experiéncies o establir sinergies. Entà afavorir er escambi entre ensenhants e investigadors abilitaram un espaci de trebalh damb taules tà facilitar eth contacte. 

 Se hètz interessadi en assistir, vos demanam que respongatz eth  formulari següent abans deth 10 de junh .

Et 28 de mai acabe eth tèrme pera inscripcion dera  oferta formatiua d’ostiu. Aguesta inclou diferents activitats e recorsi  damb l’objectiu de contunhar fomentan eth desvolopament professionau e l’actualizacion de competéncies entàs eth periòde ostivenc.