Qui èm

Eth Centre de Recorsi Pedagogics ei un servici educatiu deth Departament d’Educacion dera Generalitat de Catalonha que, en ambit comarcau, balhe supòrt permanent ara activitat pedagogica des centres educatius e ath trabalh docent des mèstres e professors. Eth principau objectiu des CRP ei potenciar era renovacion pedagogica, en tot facilitar es airines entara reflexión e tara recèrca des naues estrategies d’ensenhament.

Es equipes d’assessorament e orientacion psicopedagogica(EAP) son servici educatius que balhen supòrt ath professorat des centres docents entà poder aufrir era responsa educatiua mès avienta ar ensem der escolanat, especiauments ad aguest que presente disminucions o mès dificultats en procès d’aprenedissatge e es sues familhes.

• Dinamizacion e innovacion educatiua. Supòrt e assessorament a projectes de centre de milhora, d’innovacion e de recerca. Recuelhuda, intercambi e difusion de practiques e experiéncies educatiues.

• Assessorament en recorsi tath professorat e des centres educatius. Informacion e assessorament sus materiaus didactics, curriculars e d’auti recorsi educatius.

• Orientacion e assessorament ena formacion permanent deth professorat. Coordinacion, organizacion e seguiment des activitats deth Plan de Formacion de Zòna.

• Identificacion e avaloracion des besonhs educatius especiaus der escolanat, amassa damb eth professorat e d’auti servicis especifics entà poder dar ua responsa educatiua mès avienta en cada cas.

• Assessorament ar escolanat, as familhes e ath professorat sus aspèctes restacats damb era orientacion personau, educatiua e professionau.
• Elaboracion e seguiment des diuèrses adaptacions curriculars que poguen auer de besonh es escolans, amassa damb eth professorat e d’auti servicis especifics.
•  Assessorament as mèstres e professors sus es projèctes curriculars des centres educatius, concretament en aspèctes psicopedagogics e que mielhoren era atencion ara diuersitat des besonhs des escolans.

• Collaboracion damb es servicis sociaus entà aufrir era atencion as escolans e es familhes qu’ac agen de besonh.

• Aufèrta de recorsi, infraestructura e de servicis as centres docents e ath professorat entà que dispusen de materiau especific des diuèrsi airaus curriculars, de mieis pròpris dera tecnologia educatiua e de publicacions especializades, damb er assessorament e instruccions de utilizacion.

Auditius) de Lleida e damb eth professorat qu’atén er escolanat damb discapacitadi visuaus.

Eth servici educatiu tanben trebalhe damb Es Unitats d’Acompanhament e Orientacion (UAO) que s’enquadren ena milhora der abandonament e er absentisme der alumnat enes etapes d’ensenhament obligatòris e basics (primària, ESO e cicles formatius de grau basic) que presente besonhs derivades dera dificultat dera regulacion emocionau dera salut mentau.

Eth programa des UAO a ua durada prevista de tres corsi escolars: 2021-2022, 2022-2023 i 2023-2024.

Aguestes unitats son formades per especialistes dera pedagogia, dera psicopedagogia e era psicologia, qu’atien laguens deth madeish sistèma educatiu. Actuauments, en  servici educatiu dera Alta Ribagorça e era Val d’Aran  compdam damb ua professionau, Sònia Faure Aran (sfaure1@xtec.cat).