Coeduca’t
Ei un projècte que s’a iniciat en cors 2019-2020 per part deth Departament d’Educació, entà ajudar as centres educatius a potenciar e visiblizar era perspectiua de genre, era coeducacion e era educacion afectivosexuau.
Er objectiu ei auançar en un modèu de sistèma educatiu inclusiu, que incorpòre era igualdat de genre e era coeducacion, entà contribuir ena milhora dera societat. Una societat a on non i caben es rasons de discriminacion e que balhe eirines entà desvolopar ues relacions afectiues e sexuaus respectuoses.
“Era bastida sociau deth genre e era educacion afectivosociau”
Coma mos eduquen? Qué mos transmeten? Quines relacions sociaus auem? Quini pensaments e abitudes mos inculquen des de petiti? Educar ena autonomia e era expression liure ei balhar eirines entà poder alistar e plantejar es modèus de genre mès enlà deth binarisme existent.
“Coeduca’t damb eth curriculum”
Er objectiu deth programa ei formar persones competentes, critiques, solidàries e capables de resòler situacions en desparièrs contèxtes. Coeduca’t damb eth curriculum incorpòre era coeduacion, era perspectiva de gènre e era educacion afectivosexuau en toti es encastres curriculars, en tto esvitar que sigue ua matèria soleta e implicant a tot eth professorat e d’auti professionaus que trebalhen enes centres educatius.
“Prevencion des violéncies masclistes”
Era violéncia masclista ei era manifestacion d’un sistèma heteropatriarcau qu’interprète, represente e convertís es diferéncies de genre en desigualdats. Es centres educatius son uns espacis privilegiadi ena educacion des valors e dera socializacion enes relacions liures de violéncies masclistes.
“Era guardada interseccionau de genre”
Era interseccionalitat ei ua sòrta de guardada e comprenença des desigualdats, mès enlà deth classament abituau que hèm es persones e qu’ obsèrve es caracteristiques representatiues. Era perspetiua interseccionau neish damb era intencion d’esvitar simplificacions e exclusions atau coma hèr visibles es solucions sus es desigualdats des d’ua perpectiua integrau.
- Se voletz consultar era normatiua, podetz clicar aciu
- Se voletz conéisher eth glosari, podetz clicar aciu
- Entà mès informacion podetz consultar aciu
- Entà conéisher es directrius der usatge des elements d’expression lingüistica sus era perspectiua coeducatiua, clicatz aciu