XIX Jornada pedagogica Comic Barcelona

 

Eth Comic Barcelona 2026 se celebrarà deth 15 ath 17 de mai ena Fira Barcelona Montjuïc, damb mès exposicions, convidats internacionaus e activitats, damb especiau preséncia der univèrs asiatic.

Eth Departament d’Educacion e FICOMIC organizen eth Concors Escolar e era XIX Jornada pedagogica (15 de mai, 15:00–20:00), damb conferéncia de Pep Prieto, recorsi educatius e visita ath salon.

Trobaratz eth programa ací i vos podetz inscríuer ara jornada, deth 27 d’abril ath 7 de mai, en aguest aute ligam. 

Prèmi Neus Català entà reconéisher projèctes antifascistes adreçats ara Joenessa

Oberta la convocatòria del Premi Neus Català 2026 - Neus Català

Eth Prèmi Neus Català, ei un nau guerdon de caractèr onorific e damb dotacion economica de 1.500 euròs, destinat a reconéisher collectius e entitats que prebotgen projèctes antifascistes, feministes e antiracistes adreçats de manèra prioritària ara gent joena. Es pòt presentar era candidatura enquiath 13 de seteme de 2026 e era cerimònia de liurament deth prèmi aurà lòc eth 24 d’octobre de 2026 en Barcelona. 

Eth prèmi s’inspire en legat de Neus Català —militanta antifascista, deportada a Ravensbrück e referent dera memòria democratica catalana— e vò projectar-le sus es rèptes actuaus (participacion juvenila; cultura e comunautat; combat des discursi d’òdi; e foment des valors antifascistes e democratics). Era Fundacion a publicat era convocatòria e es bases (Consultatz ací).

Cinèma en cors

Cinema en curs

‘Cinèma en cors’ ei un projècte pedagogic qu’a coma objectiu apressar eth lenguatge cinematografic as alumnes, fomentant era creacion audiovisuau e eth desvolupament dera uelhada critica a trauès de processi creatius guidadi per professionaus der encastre.

Eth programa s’articule a compdar de quate eishi principaus:

  • Era preséncia regulara e contunhada de cineastes enes centres educatius impartint talhèrs amassa damb es mèstres o professors e laguens der orari lectiu.
  • Era articulacion dera descubèrta der art cinematografic a compdar d’ua metodologia que ligue estretamenst era practica creativa e eth visionat de pellicules.
  • Era formacion des mèstres e professors.
  • Era construccion deth projècte en laboratòri de recèrca aplicada: espaci d’experimentacion e reflexion. A compdar dera analisi des experiéncies des talhèrs, era equipa de cineastes e docents genere prepauses, materiaus e metodologies extensibles a encastres educatius diuèrsi.

Mès informacion: https://www.cinemaencurs.org/ca/el-programa

Convocatòria daurida: Estades professionaus entà docents

Convocatoria 2013-14 de estancias profesionales para docentes y centros  educativos - INTEF

Vos informam que s’a daurit era convocatòria deth programa “Estades professionaus entà docents”, prebotjada peth Ministerio d’Educación, Formación Professional y deportes (MEFPD), entath cors 2025-2026.

Aguestes estades consistissen en visites d’estudi e observacion individuaus en centres educatius europeus, damb ua durada de dues setmanes.

Requisits destacats:

  • Èster funcionari/ària de carrèra.
  • Auer, coma minimum, eth nivèu B2 der idiòma deth país causit o B2 d’inglés se se sollicite estada en Dinamarca, Estònia, Finlàndia, Malta, Noruega, Païsi Baishi o Suècia.

 Eth MEFPD subvencione era estada damb 1.500 €, prealabla justificacion dera sua realizacion.

 Paisi participants: Alemanha, Àustria, Belgica, Dinamarca, Estònia, Finlàndia, França, Itàlia, Irlanda, Malta, Norvèja, Païsi Baishi, Portugal, Regne Unit, Suècia e Soïssa.

Entà mès informacion, podetz consultar era convocatòria e eth manuau entara presentacion de sollicituds.

Mès informacion

Hèira La Carrulla

 

Eth 30 de mai de 2026, Tremp serà er escenari d’ua naua edicion dera hèira “ La Carrulla”, era trobada itineranta dedicada ara petita enfantesa (0–6 anys) en Alt Pirineu i Aran. Era jornada, gratuïta e damb inscripcion  preliminara, amassarà famílies, docents e professionaus en un espaci que combine activitats ludiques, talhèrs e prepauses formatiues.

Damb conferéncies acreditades entath professorat e espacis de jòc entàs mès petiti, era fira es consolide coma un punt de trobada entà compartir experiéncies e reflexionar sus era educacion enes prumèrs ans de vida. Ua iniciativa damb vocacion comunitària que met en valor era enfantesa e eth sòn papèr clau en desvolupament sociau e educatiu.

Mès informacion: Fira La Carrulla

Entà Sant Jòrdi, nauetats en aranés ena bibliotèca deth CRP

Entà hestejar Sant Jòrdi, nauetat en aranés  en hons dera bibliotèca deth CRP que podetz demanar en prèst!!
AUDÈTHS DERA VAL D’ARAN; ua guida fòrça didactica, pensada entà mainadèra, entà arreconéisher es principaus audèths dera Val d’Aran.
Especiaument utila entad aqueres escòles qu’auetz participat en Projècte Aiguaròla!!!

” Se… Llegeix més»

Jornada Espòrt Adaptat ara Escòla

 
 Era Diputació de Lleida amassa damb era Federació Catalana d’Esports de Persones amb Discapacitat Física (FCEDF) desvolupen eth programa “Esport adaptat a l’escola”, mejançant eth qu’es pretén qu’er alumnat sapie qu’er espòrt pòt èster inclusiu entà toti, sigue quina sigue era diversitat funcionau dera persona.
Laguens… Llegeix més»