Eth pròplèu dia 12 de mai s’organize ua jornada virtuau entàs centres que participen en programa Escòles Verdes.
Ara seguida vos explicam es informacions mès importantes a auer en compde entara participacion des centres:
INFORMACION GENERAU
E INSCRIPCION
|
- DATA deth fòrum damb alumnat: 12 de mai de 2021.
- ORARI deth fòrum damb alumnat: 9.00-12.30o (escolanat e mèstres).
- DATA e ORARI der espaci mèstres: era data der espaci mèstres serà eth madeish dia deth fòrum damb escolanat o ben londeman, des 17.30-19 o. (Se decidirà en foncion der orari que vage melhor ara major part des participaires).
- FORMAT: Virtuau, damb era plataforma zoom. Receberatz er enlaç uns dies abans deth fòrum.
- QUI PÒT PARTICIPAR: Preferentment er escolanat deth CS, tot e que s’ac vedetz oportun tanben pòden participar er alumnat de CM. En èster en format virtuau podetz participar damb un grop complet e damb un solet ordenador e ua pantalha grana. Vosati deciditz!
- INSCRIPCIONS: Vos podetz inscriuer enquiath dimèrcles 5 de mai. Clicatz Aciu entà accedir tath formulàri d’inscripcion.
|
ORGANITZACION DETH FÒRUM
|
Eth fòrum s’organize en tres parts:
1) PREPARACION DETH FÒRUM
Per auança calerà hèr dus prètzhètzs:
- Trebalh deth dossièr der escolanat: Se pòt descargar en format pdf o ben word. Ei un dossièr pensat entà hèr en grops de 4 alumnes ( o coma vosati volgatz) e dividit en 4 blòcs: problèmes ambientaus, origina des aliments , modèu agroalimentari e eth uart dera escòla e eth pati dera escòla.
- Premanir ua question entà hèr ath ponent. Eth fòrum començarà damb ua ponéncia sus agroecologia e biodiversitat.
2) FÒRUM damb alumnat e mèstres
Eth programa ei eth que seguís::
- Benvenguda (auram ues menutes entà connectar-mos e comprovar eth foncionament dera equipa dera videoconferéncia) .
- Ponéncia + questions deth ponent.
- Trebalh collaboratiu: es grops d’escolans o aula treballaràn damb es sòns companhs deth centre (sense ordenadors). A compdar deth trebalh realizat per escolanat, elaboraram conclusions e haram prepauses d’accion entà preservar era biodiversitat. Pendent aguest temps se poirà hèr era pausa entà esdejoar mès seguiram connectadi damb eth fòrum. Damb aguestes conclusions e prepauses era assessoria crearà un genially e se vos harà eth retorn dera informacion.
- Fin finau i aurà ua exposicion comuna des conclusions e prepauses d’accion e barrament deth fòrum.
3) ESPACI MÈSTRES posteriora ath fòrum damb er escolanat
Es assessores e es mèstres qu’an participat en fòrum der escolanat mos traparam pera tarde des 17.30-19o, deth madeish dia o ben londeman segontes era opcion alistada ena inscripcion.
Se harà er escambi d’experiéncies e de bones practiques ath torn dera tematica deth fòrum e elaboraram es conclusions der escolanat entà pensar quines accions podem determinar ena escòla entà preservar era biodiversitat.
|
DOCUMENTACION DETH FÒRUM
|
En aguest enlaç poiratz trapar eth dossièr deth trebalh der alumnat e ua formacion sus eth sistèma agroalimentari, entà explicar ar escolanat eth motiu d’aguest fòrum, era pèrta dera biodiversitat e er impacte deth nòste modèu agroalimentari e era peada ecologica dera alimentacion.
Ua semana abans deth fòrum receberatz era informacion e eth materiau de besonh entà hèr era vòsta part deth trebalh collaboratiu.
|