Pendent eth tresau trimèstre auram en nòste CRP Era maleta Picasso, cedida en prèst temporau peth Museu Picasso de Barcelona. Se vos interèsse aguest recors, e pr’amor que l’auram pòc temps en nòste CRP, podetz reservar-la picant ath CRP.

Era Maleta de Picasso son tres caishes d’aprendissatge itinerant entàs escòles damb materiaus didactics que permetissen apropar era figura der artista e eth Museu Picasso de Barcelona ar alumnat d’ Infantila, Primària e prumèrs corsi de Segondària (de 3 a 14 ans).
Er objectiu principau dera maleta ei aufrir recorsi entara comprenença e trebalh der Art a compdar de Picasso.
Toti es materiaus didactics es basen en jòc, era reflexion e era descubèrta, entà generar experiéncies multisensoriaus e perceptives que pòrten as alumnes a connectar damb es emocions e se convertissen en camin entar aprendissatge e era expression.  Er alumnat ei eth protagoniste e generador deth sòn pròpi aprendissatge.
En  dessenh d’aguesti materiaus s’an auut en compte critèris de dessenh universau entà afavorir era inclusion des alumnes damb discapacitats, en tot compartir experiéncies, emocions e concèptes damb es sòns companhs.“

Entà mès informacion sus era maleta, ACI auetz eth dossier explicatiu.