Er aprenedissatge basat en problèmes o ben rèptes ei ua des metodologies mès eficientes entath trebalh competenciau. Per miei d’ua question, un problèma o eth besonh de hèr ua produccion, s’inicie un trebalh en eth que cau:
- Collaborar damb es auti: Calerà crear ròls, guides de trebalhs e cooperacion enter toti es implicadi.
- Comunicar: Tot sò que se produsís, saber que cau hèr, coma ac cau hèr, qué cau entà arténher era resolucion e exprimir eth procés.
- Capacitat de pensament critic: Entà analisar era informacion, entà préner decisions, entà estructurar eth pensament e desvolopar es estratégies cognitiues entà solucionar era situacion.
- Usatge des tecnologies: Entà informar, comunicar, difóner, investigar, organizar e expausar tot sò que trapam.
Ena nòsta plana auem premanit quauques idèes entà desvolopar eth trebalh en aula. Vos deisham aciu er accés as materiaus