|
 Eth dia 8 de març celebram eth dia dera hemna, ua jornada que commemore era luta des hemnes pes drets qu’istoricament son negadi. Quaqui hèts que passèren en un 8 de març son:
- Eth 8 de març de 1908, 146 persones perderen era vida en un incendi, en ua fabrica de camises, lèu totes eren hemnes. Aguest dia esdevenguec ua jornada de luta pes drets des hemnes.
- En an 1849, conde era tradicion, que Concepción Arenal se trasvestic d’òme entà poder estudiar dret en Universitat de Madrid. En 1888, ua reau orden acordèc “qu’es hemnes poguessen èster admeses coma escolanes d’ensenhament privat”.
- Eth 8 de març de 1910, un reau decret en estat Espanhòu, autorizèc era matricola d’escolans e escolanes, en tot perméter accedir a toti entar ensenhament superior en igualdat de condicions. En aguest decret auec fòrça a veir Emilia Pardo Bazán, que siguec nomentada coma Conselhèra d’instruccion publica.
- Era origina oficiau deth Dia dera Hemna siguec en an 1909, prumèr an que se celebrèc e siguèc en 1910 quan ena II Conferéncia Internacionau des Hemnes Socialistes en Copenhague, se designèc eth dia 8 de març coma Día Internacionau dera Hemna trabalhadora, damb un objectiu plan clar: promòir era igualdat enes drets.
- Fin finau eth dia 8 de març, siguèc declarat pera ONU en 1975, coma eth Día Internacionau dera Hemna. Dus ans mès tard esdevenguec eth Día Internacionau dera Hemna e dera patz internacionau.
Damb fòrça trebalh per hèr, des deth nòste Servici Educatiu, trebalham en uns materiaus qu’arribaran lèu enes centres, entà promòir era coeducacion e susvelhar aspèctes tant basics coma era igualdat e eth respècte, qu’ en sègle XXI non son encara artenhudi. BON DIA TÀ TOTES ES HEMNES!
|
