Des der an 1996 se realize en Catalunya era pròva Cangur, ua activitat impolsada pera associacion internacionau Le Kangourou sans Frontières, dera quau ei membre era Societat Catalana de Matematiques (SCM) que, per aguest motiu, ei era entitat titolar deth Cangur en lengua catalana. Aguesta pròva, en nòste territòri, ei adreçada tà toti es
nivèus des de 5au de primària enquià 2au de bachilherat. Entà podèr auançar era importància des pròves, podem dider-vos qu’ena darrèra edicion participèren mès de 125.000 escolans, 94.000 des quaus dera educacion segondària.
Era pròva a un format de concors, mès eth sòn autentic objectiu ei qu’er escolanat participe e dedique ua estona especiau en divertir-se en tot resòler es rèptes plantejadi. Es problèmes se basen mès en rasoament e abilitat entà trapar solucions qu’en coneishements matematics especifics. Aguestes “d’autes matematiques” les podetz practicar tot eth cors, damb es pròves des auti ans que se pòden consultar ena web deth cangur : http://www.cangur.org/
Pensam qu’era participacion en aquesta pròva pòt èster ua bona oportunitat entà introdusir desparières abilitats e trebalhar ludicament e innovadorament es aspèctes restacadi damb era resolucion de problèmes.
En tot clicar aciu poiratz descarregar era documentacion damb tota era informacion. Primària e segondària .
Rebrembam qu’era inscripcion serà dubèrta des deth 15 de noveme de 2019 enquiath 18 de gèr de 2020 e qu’era pròva aurà lòc eth dia 19 de març.( exceptat es localitats a on ei hèsta Sant Josèp, que se poiran realizar eth dia 27 de març, damb era autorizacion dera organizacion).
