Jornada ACTÚA, 28 DE NOVEME.
Aguesta jornada neish deth trebalh qu’es mèstres de totes es escòles dera Val d’Aran, an realizat, assessorats e formats peth Conselh Catalan de Ressucitacion pendent aguesti darrèrs tres ans, ensenhant as mainatges e mainades es tecniques e actuacions tà realizar en cas d’ua emergéncia respiratòria o cardíaca. Er objectiu principau d’aguesta jornada ei amassar a tot er escolanat deth cicle superior, dera Val d’Aran, pr’amor de méter en practica tot sò qu’an aprenut, en Supòrt Vitau Basic. Entà arténeher aguest objectiu auem compdat damb era participacion de desparières entitats deth nòste parçan, que trebalhen diaderament en encastre des emergéncies, era salut e er espòrt (Servici aranés de benèster e salut, Pompièrs emergéncies, Mossos d’esquadra e Institut d’Aran) . Ath delà d’aguestes entitats an collaborat eth Centre de recorsi pedagogics, eth Conselh Generau d’Aran, er Ajuntament de Vielha e Mijaran e eth Conselh Esportiu dera Val d’Aran.
Era Jornada Actúa!! ei organizada en sies bases fixes e plaçades en Poliesportiu, ena plaça deth deuant, en centre de joventut e en parcatge plaçat darrèr deth poliesportiu. Es participaires, uns 120 mainatges e mainades, se distribuisiran en grops e començaran es activitats tàs 9:45 e fianlizaran tàs 14:30, damb un dinar conjunt ena escòla Garona.
