Eth deluns dia 13 de noveme, es escolans de 3au e 4au dera ESO der Institut d’Aran heren ua gessuda tàra audiovisuau de Vielha a on poderen gaudir d’ua session d’experiments per part deth professor de Fisica e Quimica der Institut, Carles Fuentes. Tant escolans com professors se sorpreneren de totes es curiositats que mos mostrèc e apreneren causes sus Fisica e Quimica que podem trobar en nòste dia a dia.
Ei ua activitat que forme part dera setmana dera sciéncia. Ua session damb experiments curiosi tà veir e enténer fenomèns scientifics. Aguest an, se donec especiala atencion as mejans de transpòrt ja qu’eth 2017, a estat declarat pera UNESCO com er an internacionau deth Torisme Sostenible tath Desvolopament.
Carles Fuentes Pagès ei un divulgador scientific e professor der Institut d’Aran. Guanhador de diuèrsi prèmis, eth darrèr hè tot just un mes, ei un divulgador de sciéncia abituaus en diferents hèires e certamens scientifics de tota Espanha. Tanben ei autor de bèri articles e estudis restacats damb er ensenhament dera Fisica e era Quimica.
Vos deisham et video dera jornada més a baish.