19aua edicion Concurs Joves i Mobilitat
02/03/26
Joeni e distraccions ena mobilitat. I metetz pro atencion?
Era tematica proposada peth RACC e eth Servei Català de Trànsit entara 19aua edicion deth concors Joves i Mobilitat. Ua propòsta que se centre en ua realitat propèra e urgent: coma mos afècte era desconnexion der entorn quan mos desplaçam.
Com participar?
Eth concors ei adreçat a alumnes d’ESO, Bachilierat e Cicles Formatius de Grad Mejan d’entre 12 e 18 ans, atau coma a joenes e joeni d’aguesta edat que participen en centres de léser catalans e alumnes d’itineraris formatius especifics (IFE). Es joeni an de compdar damb era collaboracion d’un tutor deth sòn centre educatiu o de léser. Pòden participar de forma individuau o en grups d’enquia quate integrants presentant trebalhs enes categories següents: anonci grafic, vidèu entàs hilats sociaus e projècte de milhora de seguretat viària. Es professors dispausen de recorsi e prepauses entà trebalhar era tematica e pòden presentar es trebalhs des sòns alumnes ena web https://www.jovesimobilitat.cat/ enquiath 20 d’abriu de 2026.
Era 19a edicion de Joves i Mobilitat premiarà es trebalhs finalistes e guanhadors des tres categories.
Mès informacion: https://www.jovesimobilitat.cat/que-es/
XXXIII Jornada de Reflexion deth Consell d’Educació de Catalunya
02/03/26
Era XXXIII Jornada de Reflexion deth Consell d’Educació de Catalunya ei dedicada ara memòria democratica e eth sòn lòc ena educacion.
Era jornada ei pensada coma un espaci de trobada, debat, formacion e generacion de prepauses entà integrar era memòria democratica enes centres educatius.
Dates d’inscripcion: deth 12.02.2026 ath 10.03.2026
Data dera jornada: dissabte 14 de març de 2026
Orari: de 9.30 a 14.30 ores
Modalitat: presenciau e retransmission en linha
Prètz: activitat gratuïta
Lòc:
Museu de l’Aigua i el Tèxtil
Ctra. de Santpedor, 55
08242 Manresa
Organize:
Departament d’Educació
Airines FAIG fonamentades enes aportacions dera psicologia cognitiva e era neuroeducacion (recorsi)
02/03/26
Eth CESIRE a publicat en espai EINES FAIG, un nau apartat en sòn espaci web, damb recorsi descargables entà dessenhar projèctes d’aprenedissatge damb sentit a compdar de problemes sociaus remercables, de manèra collaborativa e fonamentada e favorir un aprenedissatge prigond e significatiu der alumnat. L’espaci conten quate seccions:
- Eina d’ideació del propòsit d’un projecte FAIG: ajude a definir eth perqué deth projècte e es intencions pedagogiques que le fonamenten.
- Bastida per dissenyar un projecte FAIG: acompanhe eth dessenh de projèctes connectats damb era vida der alumnat e orientats ar aprenedissatge damb sentit.
- Eina de cocreació d’un projecte: guie era fasa iniciau deth projècte mejançant preguntes clau que faciliten era cocreacion entre docents.
- Eina per al disseny, creació i millora d’un propòsit FAIG: ajude a concretar era intencion d’un projècte d’aprenedissatge e a hèr-le reauments significatiu.
Huelheton Informatiu Hereuèr
02/02/26
mSchools Awards 2026
02/02/26
Aguesti prèmis cerquen afavorir practiques que promòiguen un usatge etic e responsable dera tecnologia entà potenciar er aprenedissatge, era inclusion e eth benèster dera comunautat educativa e era societat en generau.
Adreçat a: Centres educatius de Catalonha que trebalhen en bèri un des següents encastres: segon cicle d’educacion infantila, educacion basica, bachilierat, FP, centres de justícia juvenil, formacion d’adults, centres d’ensenhament de regim especiau, e EOI).
Inscripcions e balhada de materiaus: deth 12 de gèr ath 30 d’abriu de 2026.
VídeoMat
02/02/26
Eth vídeoMAT ei un projècte en qu’es e eres alumnes creen vidèus a on es responen preguntes qu’expliquen es aplicacions des matematiques o era sua preséncia en entorn.
Objectius
Contribuir a promòir en alumnat ua viuença des matematiques qu’incorpòre es sues aplicacions e era sua preséncia en entorn.
Reconéisher es ahèrs que hèn mèstres e professorat entà projectar ua vision aplicada e funcionau des matematiques.
Estimular er interés der alumnat pera comunicacion scientifica e era divulgacion matematica.
Bastir progressivaments ua colleccion de vidèus sus aplicacions e preséncia des matematiques en entorn.
Adreçat
Alumnat dera educacion infantila, primària, ESO, bachilierat, FP, Educacion d’Adults e Universitat de Catalonha e d’auti territòris de parla catalana.
INSCRIPCIONS
Era inscripcion se harà mejançant un formulari que traparatz en videomat.cat a compdar deth 19 de gèr enquiath 10 d’abriu de 2026.
MÈS INFORMACION
Ena sua pagina web podetz consultar es bases deth concors, es prèmis e auta informacion remercabla.
Huelheton Informatiu Hereuèr 2026
02/02/26
Prèmis eduCAC: reconeishement as ahèrs docents en encastre dera educacion mediatica e informacionau
30/01/26
Eth Consell de l’Audiovisual de Catalunya convòque anuauments, des deth cors 2003/2004, es Prèmis eduCAC damb er objectiu de fomentar era educacion en comunicacion e reconéisher es ahèrs realizadi pes docents enes aules en aguest airau.
Tèrmes de presentacion:
Per internet:
13 de hereuèr de 2026 (formulari de participacion).
27 de hereuèr de 2026 (rèsta de documentacion e materiaus, a trauèrs d’un enlaç que vos enviaram ath corrèu de contacte facilitat).
Presenciau:
27 de hereuèr de 2026: sollicitud de participacion, documentacion e materiaus.
Categories
Centres educatius
Professorat de centres educatius
Trebalhs de recèrca der alumnat de bachilierat
Dotacion:
Totesles categories damb un prumèr e un segon prèmi de 1.000 i 500 euròs respectivaments, damb ua dotacion globau d’11.500 euròs.
Podetz consultar es bases des Prèmis ací.
NAU cors autoformatiu: Introduccion ara educacion inclusiva
30/01/26
Eth propèr 16 de hereuèr s’inicie eth nau cors autoformatiu: Introduccion ara educacion inclusiva: intensitat de mesures e supòrts e dessenh universau entar aprenedissatge, ua formacion en linha de 30 ores.
Aguest cors aufrís un recorrut estructurat e practic entà aprigondir enes fondaments dera educacion inclusiva, damb prepauses orientades ara reflexion pedagogica e ara transferéncia ara practica educativa. Eth format autoformatiu permet auançar de manèra flexible, adaptant eth ritme d’aprenedissatge as besonhs de cada participant.
Entà obtenir era certificacion cau completar toti es mòduls e superar es questionaris damb eth 100% d’encerts laguens eth periòde establert.
Mès informacion en aguest enlaç: https://projectes.xtec.cat/educacioinclusiva/general/nou-curs-autoformatiu-introduccio-a-leducacio-inclusiva/
Inscripcion a compdar deth 16 de hereuèr en ODISSEA
Concors Formu relats 4.0
30/01/26
Enguan, eth concors de WhatsAPP relat, s’a modificat pr’amor dera normativa que ja s’aplique en usatge des disposotius mobils enes centres educatius; s’a reorganitzat e a cambiat eth tipe d’enviament.
Es alumnes contunharàn escriuent un microrelat en lengua catalana o aranesa, mès variarà eth metòde d’enviament, s’enviarà eth microrelat a travèrs d’un formulari e d’un ordinador.
Eth concors a eth nòm de Formu Relats 4.0, er objectiu contunharà estant trebalhar era competéncia lingüistica e era competéncia digitau ath madeish temps.
Adreçat: Alumnat de 4au d’ESO deth centre.
Vos convidam, un cors mès, a participar en Formu Relats 4.0 deth 2026 que se celebrarà eth dia 12 de hereuèr de 2026, podeu contactar damb eth CRP.
Huelheton Gèr 2026
08/01/26
PFZ 25-26. Segon torn
19/12/25Ja auem en marcha eth Plan de Formacion de Zòna (PFZ) 2025-2026 – segon torn.
Ací auetz un amàs des activitats formatives adreçades ath professorat deth nòste territòri, dessenhades a compdar des besonhs detectadi enes centres d’acòrd damb es linhes prioritàries deth Departament d’Educacion.
Es prepauses inclodissen formacion en centre, seminaris e talhèrs que vòlen dar respòsta a rèptes reaus der aula e deth projècte educatiu de cada centre. Ei ua escadença entà compartir aprenedissatges, milhorar era practica docenta e hèr a créisher eth hilat professionau deth territòri.
Dates d’inscripcion e assignacion.
Es inscripcions deth segon torn son daurides deth 7 ath 15 de gèr de 2026.
Poiratz consultar es assignacions a compdar deth 30 de gèr de 2026.
Segon torn de formacion ena educacion matematica deth CREAMAT
18/12/25
- Eth cors Pensament Computacional a Matemàtiques aufrís recorsi, activitats, estratègies e metodologies de trebalh entà acompanhar ar alumnat dera educacion primària e segondària. Cors de 20 ores.
- Cicles de conferéncies 2025/26
En gèr s’iniciaràn es cicles de conferéncies Mirades matemàtiques 2025-26 (primària) e Perspectives matemàtiques 2025-26 (segondària), qu’anaràn dirigides a conéisher es naues Orientacions Curriculars de matemàtiques.
Era inscripcion en cadun des cicles e completar es questionaris proporcione era certificacion de 12 ores de formacion.
VII Escambi d’Experiéncies STEAM entà professorat
18/12/25
Dissabte 25 d’abriu de 2026 · 9:00 – 14:00 ores · Format presenciau
Ètz desvolopant en aula bèra activitat o projècte que combine disciplines coma sciéncies e matematiques, art e sciéncies, tecnologia e sostenibilitat, sociaus e tecnologia, umanitats e matematiques…?
S’ei atau, vos animam a formar part deth VII Intercanvi d’Experiències STEAM organizat per Institut de Ciències de l’Educació (ICE) de la UdL.
Compartís era tua experiéncia damb auti docents
L’escambi STEAM ei un espaci de trobada entre professionaus de disparièrs centres educatius entà compartir projèctes interdisciplinaris, metodologies innovadores e naues uelhades entà trebalhar es STEAM en aula.
Podetz consultar es prepauses des edicions anteriores entà inspirar-vos.
Qui pòt presentar ua prepausa?
- Activitats o projèctes ja finalizats
- Experiéncies qu’ajatz previst finalizar abans d’acabar eth cors
Entà hè’c, sonque cau aumplir eth següent formulari:
FORMULARI DE PRESENTACION DE PROPÒSTES STEAM
Tèrme de presentacion
Enquiath 28 de hereuèr de 2025
Presentar era prepausa non implique cap compromís definitiu. Un còp barrat eth tèrme, mos meteram en contacte damb vosati entà resòler dubtes sus era durada, format o auti requisits. Serà alavetz quan decidiratz si voletz contunhar damb era ponéncia o retirar-la sense cap obligacion.
Projècte Estratègies de feedback intern pel desplegament dels nous currículums competencials: cap a l’autoregulació de l’aprenentatge de l’alumnat (EFICCA3)
18/12/25
Eth projècte EFICCA3 es centre enes procèssi de feedback e era autoregulacion der aprenedissatge, er objectiu principau deth projècte a estat cercar e compréner practiques de feedback internalizat entà promòir era autoregulacion der alumnat, damb era finalitat de poder transferir entre mestres e professorat coma dessenhar prepauses educatives que prebotgen aguest tipe d’experiéncies autoreguladores.
Despús d’ua recèrca sistematica, s’an identificat centres d’educacion segondària damb practiques d’èxit e s’an estudiat a hons 10 cassi catalans que vòlen compartir damb nosati.
Vidèus elaborats ath torn deth projècte, que seràn un recors d’utilitat entà transferir ada aqueri centres qu’an dubtes respècte ara avaloracion e era autoregulacion der aprenedissatge.
- 10 vídèus de cada cas, en encastre catalan (Escola Garbí Pere Vergés de Badalona; Escola Virolai; Institut Escola Feixes; Institut Escola Josep Maria Xandri; Institut Escola Les Vinyes; Institut Escola Santa Anna; Institut Neus Català; Institut Peralada; Institut Vilafranca 2; Institut Vilamajor);
- 1 vidèu resum des 10 cassi nacionaus estudiats;
- E es vidèus gessudi dera Jornada finau deth projècte, celebrada eth passat 3 de junhsèga ena sedença UOC: 1 videoresum dera jornada, era ròda d’experiéncies damb era participacion deth professorat des cassi e, un amàs finau de recomanacions entà mèstres de primària e professorat de segondària.
Ath delà s’ei acabant d’elaborar un recors didactic, en format Guia, adreçat as madeishi actors educatius, damb aguest sentit practic entà poder transferir es resultats deth projècte entara sua aplicacion enes aules de primària, e de segondària.
Xarxa territorial cultura digital
ELIC
Transformar per innovar
Nòdes bibliotèques
Nòdes projèctes GEP
Projectes internacionals
Nau Nòdes: USOS LINGÜÍSTICS
Localizacion
Seguís-mos!