Eth Comic Barcelona 2026 se celebrarà deth 15 ath 17 de mai ena Fira Barcelona Montjuïc, damb mès exposicions, convidats internacionaus e activitats, damb especiau preséncia der univèrs asiatic.

Eth Departament d’Educacion e FICOMIC organizen eth Concors Escolar e era XIX Jornada pedagogica (15 de mai, 15:00–20:00), damb conferéncia de Pep Prieto, recorsi educatius e visita ath salon.

Trobaratz eth programa ací i vos podetz inscríuer ara jornada, deth 27 d’abril ath 7 de mai, en aguest aute ligam. 

Eth Prèmi Neus Català, ei un nau guerdon de caractèr onorific e damb dotacion economica de 1.500 euròs, destinat a reconéisher collectius e entitats que prebotgen projèctes antifascistes, feministes e antiracistes adreçats de manèra prioritària ara gent joena. Es pòt presentar era candidatura enquiath 13 de seteme de 2026 e era cerimònia de liurament deth prèmi aurà lòc eth 24 d’octobre de 2026 en Barcelona. 

Eth prèmi s’inspire en legat de Neus Català —militanta antifascista, deportada a Ravensbrück e referent dera memòria democratica catalana— e vò projectar-le sus es rèptes actuaus (participacion juvenila; cultura e comunautat; combat des discursi d’òdi; e foment des valors antifascistes e democratics). Era Fundacion a publicat era convocatòria e es bases (Consultatz ací).

‘Cinèma en cors’ ei un projècte pedagogic qu’a coma objectiu apressar eth lenguatge cinematografic as alumnes, fomentant era creacion audiovisuau e eth desvolupament dera uelhada critica a trauès de processi creatius guidadi per professionaus der encastre.

Eth programa s’articule a compdar de quate eishi principaus:

• Era preséncia regulara e contunhada de cineastes enes centres educatius impartint talhèrs amassa damb es mèstres o professors e laguens der orari lectiu.
• Era articulacion dera descubèrta der art cinematografic a compdar d’ua metodologia que ligue estretamenst era practica creativa e eth visionat de pellicules.
• Era formacion des mèstres e professors.
• Era construccion deth projècte en laboratòri de recèrca aplicada: espaci d’experimentacion e reflexion. A compdar dera analisi des experiéncies des talhèrs, era equipa de cineastes e docents genere prepauses, materiaus e metodologies extensibles a encastres educatius diuèrsi.

Mès informacion: https://www.cinemaencurs.org/ca/el-programa

Vos informam que s’a daurit era convocatòria deth programa “Estades professionaus entà docents”, prebotjada peth Ministerio d’Educación, Formación Professional y deportes (MEFPD), entath cors 2025-2026.

Aguestes estades consistissen en visites d’estudi e observacion individuaus en centres educatius europeus, damb ua durada de dues setmanes.

Requisits destacats:

• Èster funcionari/ària de carrèra.
• Auer, coma minimum, eth nivèu B2 der idiòma deth país causit o B2 d’inglés se se sollicite estada en Dinamarca, Estònia, Finlàndia, Malta, Noruega, Païsi Baishi o Suècia.

 Eth MEFPD subvencione era estada damb 1.500 €, prealabla justificacion dera sua realizacion.

 Paisi participants: Alemanha, Àustria, Belgica, Dinamarca, Estònia, Finlàndia, França, Itàlia, Irlanda, Malta, Norvèja, Païsi Baishi, Portugal, Regne Unit, Suècia e Soïssa.

Entà mès informacion, podetz consultar era convocatòria e eth manuau entara presentacion de sollicituds.

Mès informacion

Aguesta fira itineranta dera petita enfància der Alt Pirineu i Aran ei un eveniment, organizat pes diferents servicis educatius deth nòste territòri, que pretén visibilizar e reconéisher era petita enfància de 0 – 6 anys aufrint diferentes activitats ludiques, formatives e informatives as familhes, mainadèra, docents e persones interessades en sector dera educacion.

Ena fira i aurà un espaci destinat a compartir experiéncies educatives 0-6 ans de totes es escòles e escòles mairaus deth territòri. En aguest espaci es penjaràn es panèus de cada ua des practiques educatives presentades e non ei de besonh era vòsta preséncia ne cap tipe d’explicacion orau.

Coma participar?

Si voletz participar cau aumpli aguest formulari, daurit enquiath 4 de mai, e nosates crearam es panèus damb era informacion que mos balhetz sus ua des bones practiques que dejà implementatz en vòste centre. Es centres que participetz obtieratz un reconeishement en materiau pedagogic que poiratz causir.

Enguan es ponéncies seràn:

“Infància i natura, una relació essencial”  

Sílvia Gili (biòloga i filòsofa, dirigeix el postgrau de Bosc i Salut de la UdG).

“El pensament crític a l’Educació Infantil”

Glòria Arbonés (filòsofa i directora del Grup IREF)

“Matemàtiques que es toquen, es senten i es viuen” 

Júlia Salat (matemàtica, doctora en educació matemàtica i formadora de mestres a la UDL)

Inscripcions

Tanben i aurà ua taula redona de debat pedagogic sus era enfància e era natura. Se voletz assistir as conferéncies e obtier eth certificat, cau que hescatz era inscripcion ací:

6150361615 IV Jornada pedagògica de la Petita Infància: La Carrulla.

Eth diuendres 24 d’abriu se celebrarà er English Day e era Journée dera Francophonie en Palai d’Espòrts de Vielha. Ena jornada participarà tot er alumnat de 6au de primària dera Val d’Aran. Es dinamizadors des activitats son er alumnat de 4au dera ESO der INS d’Aran e dera escòla d’Ostalaria de Les. Era jornada serà presentada per alumnat  deth CFA.

Era organizacion dera jornada va a cargue deth professorat de lengua estrangèra dera Val d’Aran que participe en seminari de coordinacion. Ara seguida, es alumnes dera Escòla Ostalaria aufriràn ua actuacion teatrau ara mainadèra de primària.

Des deth Plan de Formacion de Zòna vos convidam a participar en talhèr; Musica, matematiques e sciéncia: explorant era natura a trauès deth son , adreçat ath professorat dera educacion infantila, primària e segondària damb ua uelhada interdisciplinària:

Eth talhèr serà a cargue d’Albert Casals Ibáñez, professor dera Universitat Autònoma de Barcelona (UAB), damb ua ampla trajectòria coma mèstre de musica, formador de docents e investigador en encastre dera didactica musicau. Era sua recèrca se centre especiaument ena relacion entre cançon e escòla, atau coma enes connexions entre era musica, eth curriculum e era diversitat culturau.

Vos animam a aprofitar aguesta escadença de formacion. Se vos voletz inscríuer encara ètz a temps picant ath CRP!