Vos informam qu’eth Departament d’educacion a convocat es VIII Jòcs Floraus escolars damb es bases qu’explicaram ara seguida. Son adreçadi ar alumnat des centres d’educacion primària e segondària damb er objectiu d’estimular era produccion escrita en tot profitar era tradicion des Jòcs floraus. En enlaç que seguís podetz trapar era web des jòcs Floraus.
Quauqui aspèctes que mos cau auer en compde son:
-
Era participacion en certamen ei volentaria e era tematica liure.
-
Auetz de temps entà presentar es trebalhs en vòste Servici educatiu enquiath 26 d’abriu (data limit), en format digitau e per corrèu electronic.
-
Es trebalhs cau que siguen produsits en catalan o ben aranés.
-
Coma nauetats cau dider que se premiaràn autant era milhor poesia coma era milhor pròsa per categoria.
-
Es categories seràn:
-
-
- A1 Escolanat cicle iniciau d’educacion primària. Poesia
- A2 Escolanat cicle iniciau d’educacion primària. Pròsa
- B1 Escolanat cicle miei d’educacion primària. Poesia
- B2 Escolanat cicle miei d’educacion primària. Pròsa
- C1 Escolanat cicle superior d’educacion primària. Poesia
- C2 Escolanat cicle superior d’educacion primària. Pròsa
- D1 Escolanat d’educacion especiau d’educacion primària. Poesia.
- D2 Escolanat d’educacion especiau d’educacion primària. Pròsa.
- E1 Escolanat d’educacion especiau d’educacion segondària. Poesia.
- E2 Escolanat d’educacion especiau d’educacion segondària. Pròsa.
- F1 Alumnat d’educacion segondària de 1èr e 2au. Poesia.
- F2 Alumnat d’educacion segondària de 1èr e 2au. Pròsa.
- G1 Alumnat d’educacion segondària de 3au e 4au. Poesia.
- G2 Alumnat d’educacion segondària de 3au e 4au. Pròsa.
- H. Conde audiovisau e illustrat entà tot er escolanat d’educacion primària.
-
-
Enes categories corresponentes ara Educacion primària es trebalhs seran collectius, ei a dider compausadi per un grop d’escolans. Eth nombre de participaires en cadun des grops serà decidit peth centre escolar. Ena Educacion segondaria es trabalhs calerà que siguen individuaus.
-
Se mantierà era categoria deth conde audiovisuau, es bases deth quau podetz conéisher aciu.
-
Cau qu’es centres escolars garantisquen era originalitat des produccions atau coma qu’era elaboracion a estat en encastre escolar. Entà facilitar era presentacion deth liurament de prèmis, se demane, s’ei possible, hèr fotografies deth procés de produccion.
-
Es caracteristiques deth trebalh son es que seguissen:
-
-
- Extension maximala 3 huelhes e non mès de 25 rengs per plana.
- Era tipologia dera letra Arial 12
- Format DIN A 4, damb doble espaci e ua cara soleta
- Cau que cònste eth titol dera òbra e ena part superiora dreta era categoria e eth pseudonim
- Cau qu’es trebalhs presentadi agen ua bona correccion lexica, sintactica e ortografica
-
-
Se crearà un jurat entàs categories deth trebalh escrit e un aute entàs produccions deth conde audiovisuau.
-
Es persones finalistes e es centres educatius receberan un diplòma de reconeishement e enes categories que presenten ua produccion collectiua, eth centre receberà un obsèqui.
-
Eth veredicte finau de Catalunya se balharà eth dia 19 de junh tàs 12 ores. Encara cau concretar eth format definitiu.
