Era Setmana Bio ena escòla ei ua prepausa que forme part dera Setmana Bio entara alimentacion
ecologica, damb es madeishi objectius de promocionar e dar a conéisher eth sistèma de
produccion e alimentacion ecologica, concretament entre es persones dera comunitat educativa.
S’ètz un centre educatiu, o quinsevolh auta entitat relacionada damb er ensenhament, e realizats,
o ètz interessadi en realizar, quinsevolh activitat destinada a reflexionar ath torn dera
produccion agrària e era alimentacion, eth sòn impacte e sostenibilitat, e dar a conéisher e promòir
era produccion e alimentacion ecologica entre eth vòste alumnat (o comunitat educativa en
generau), vos prepausam que la inscriuetz laguens deth programa dera Setmana Bio ena escòla.
Coma nauetats i aurà:
- Pròva pilòt: 20 talhèrs der album interactiu dinamitzats per ua entitat d’educacion ambiental, a aufrir entre es escòles que s’inscriguen, assegurant un repartiment equilibrat pertot eth territòri.
- Campanha de divulgacion enes hilats sociaus e mejans digitaus, damb er objectiu d’arténher moltes activitats inscrites.
- Materiau: envolòpes reutilizables entà portar er esdejoar ara escòla, imants, triptic des 10 rasons.
Se daurís eth periòde d’inscripcion er un de junhsèga. www.setmanabio.cat
Mès informacion:
