17
Coeduca’t
Ei un projècte iniciat en cors 2019-2020 per part deth Departament d’Educació, entà ajudar as centres educatius a potenciar e visiblizar era perspectiua de gènre, era coeducacion e era educacion afectivosexuau.
Er objectiu ei auançar en un modèu de sistèma educatiu inclusiu, que incorpòre era igualdat de gènre e era coeducacion, entà contribuir ena milhora dera societat. Una societat a on non i caben es rasons de discriminacion e que balhe eirines entà desvolopar ues relacions afectiues e sexuaus respectuoses.
Ena nòsta plana poiratz trapar er accés tàs materiaus deth projècte e er enlaç descriptiu as maletes damb materiaus qu’auem elaborat en nòste servici e qu’auem ara vòsta disposicion entà quan volgatz.
