Eth dia 20 de mai, er escolanat dera ZER Val d’Aran e eth dia 31 de mai era escolanat dera escòla Garona an visitat er Archiu istoric d’Aran en Arròs, entà apropar-se ben tath sòn coneishement. Aquiu era sua Directora, Mª Pau Gómez, a acompanhat e explicat ar escolanat participaire ena visita, eth procés de catalogacion, igienizacion e archiu der hons documentau que les arribe, en tot destacar que i a fòrça documentacion digitalizada e tà dispausicion dera sua consulta ena web. Ena darrèra sala an podut observar eth document mès important que se sauve en Archiu: Era Querimònia.
Entà acabar les a acompanhat tath petit musèu escòla que se place ath cant der Archiu damb es taules e d’auti materiaus escolars de mès de 60 ans.
