Eth Departament d’Educacion convòque es IX Jòcs Floraus Escolars
Era nauau convocatòria des Jòcs Floraus Escolars de Catalonha s’adrece as centres d’educacion primària e educacion segondària obligatòria damb era finalitat d’estimular era expression escrita der alumnat, tant en pròsa coma en poesia, en infants e joeni de sies a dètz-e-ueit ans.
Era categoria H, conde audiovisuau, ei adreçada a tot er alumnat de primària e tanben d’educacion especiau. Era intencion ei promòir era creacion literària en tot potenciar eth trebalh interdisciplinàri des der encastre lingüistic, digitau e artistic.
A tier en compde:
-
Era participacion en certamen ei volontària e eth tèma liure.
-
Es trebalhs an d’èster escrits en lengua catalana o en aranés.
-
Enes categories de primària es trebalhs an d’èster collectius, a compdar de tres persones, e tanben era categoria deth conde audiòvisuau.
-
Es trebalhs an d’èster originaus e ellaborats ena escòla.
-
I a ues limitacions e normes de presentacion especificades enes bases.
-
Es trebalhs s’auràn de presentar en nòste CRP abans deth 26 d’abriu, en format digitau e per corrèu electronic. BASES BASES CONDE AUDIOVISUAU