Eth Mercat de Tecnologia ei era mès grana exposicion de trebalhs e projèctes tecnologics e de sciéncia der alumnat de Segondària e Formacion Professionau, de diuèrsi centres educatius dera demarcacion de Lleida e auti territòris. Ei un des eveniments de promocion en encastre dera tecnologia mès important de Catalonha e son un lòc d’intercambi d’experiéncies relacionades damb era tecnologia que permetissen eth traspàs de coneishement entre era pròpria joenessa, en tot contribuïr ara generacion de vocacions en encastre tecnologic. Mès, sustot, son scenaris que dan era visibilitat qu’es mereish era faena realizada, ath long deth cors, enes aules des centres docents, a traués des projèctes que s’exibissen en Mercat de Tecnologia dera Universitat de Lheida. Enguan serà era XIX edicion.
Era tematica transversau d’aguesta edicion serà “Fake news e tecnologia”
-Eth diuendres 6 de mai , de 10 a 11 ores, auram era conferéncia: “Era vacunacion: combinacion de sciéncia e tecnologia entà erradicar ua malautia“, a cargue de Dra. Teresa Capell, catedratica dera Universitat de Lheida.
-Eth dijaus 12 de mai , de 10 a 11 ores, auram era conferéncia: “Era tecnologia coma airina dera manipulacion mentau, ath viatge que, unica defensa”, a cargue deth Dr. Bartolo Luque, professor dera Universitat Politecnica de Madrid.
-Eth diuendres 13 de mai, as 10:15 ores auram era Presentacion des projèctes tecnologics, a cargue des alumnes dera ESO, Bachilherat e Cicles formatius,
as 11:15 ores auram era conferéncia: “Mart, era següent frontera dera tecnologia“, a cargue deth Sr. Joan Anton Català, astrofisic, quimic quàntic e divulgador scientífic.
