En encastre dera dinamizacion e potenciacion dera formacion professionau, es pròplèu dies 5 e 6 de mai, aurà lòc era Hèira virtuau dera orientacion e ocupacion. Un salon organizat pera “Fira de Lleida”, eth Departament d’Educacion, er Ajuntament de Lleida damb er Institut Municipau d ́Educacion, e damb era participacion deth servici d’Ocupacion de Catalunya.
Eth Salon dera formacion e dera ocupacion ei dreçat a tot er alumnat e a totes aqueres persones qu’an de besonh decidir o ben reorientar eth sòn futur professionau, millorar es competéncies professionaus, trapar trebalh, impulsar era sua carrèra professionau o ben empréner un negoci.
Ena Hèira poiratz trapar formacion e orientacion: Grads Universitaris, Masters e postgraus, Formacion Ocupacionau e Contunhada, Assessorament entara emprenedoria,
Formacion Complementaria, ensenhaments Artístics e Idiomes, ath delà d ́empreses damb ofèrtes laboraus.
Aguest an, pr’amor dera COVID19 serà ua hèira online e se demanen qu’es centres programen era participacion enes franges oraries que seguissen:
9:00 a 12:00 Es centres damb grops de 4t ESO
12:00 a 14:00 Es centres qu’an alumnat de 2au de CFPM e 2au BTX
15:00 a 17:00 orari reservat entà participar er alumnat de CFPS
Vos deisham aciu eth programa.