Damb motiu deth 15au aniversari deth Camp d’Aprendissatge dera Noguera e conjuntament damb er Ajuntament d’Artesa de Segre e eth Musèu de Supòrt Territoriau dera Noguera s’organize era Fira de didactica dera preistòria: “Prehistoscopi” eth propèr dissabte 11 de junh deth 2022 qu’aurà lòc en Seró Espai Transmissor, ena vila de Seró laguens deth municipi d’Artesa de Segre.
Ei ua fira daurida ath public damb activitats ludiques e talhèrs dirigits a famílies e escolars, realizades per bèri des estands dera fira, damb animacion generau e era preséncia de grops de gigants relacionadi damb era mitica dera preistòria, eth grop Mamut de Moià, e es gigants d’Artesa de Segre.
Es diferents participants presentaràn ath public generau es sues prepauses enes sòns estands ath long deth maitin. Es compdarà damb una quinzenada d’entitats, musèus, empreses, parcs arqueologics e centres vinculadi damb era didactica dera preistòria.
Pera vrespada i aurà una jornada tecnica dirigida as professionaus dera didactica dera preistòria.
