Era passada setmana es escòles dera Val arreceberen dera man de Neus Ibañez era placa distintiva d’Escòla Verda que certifique era participacion en aguest projècte d’innovacion pendent dus corsi escolars damb era finalitat d’organizar accions educatives qu’agen era finalitat d’afrontar, des dera educacion, es naui rèptes e valors dera sostenibilitat, entà arténher tres grani objectius:
- Incorporar es valors dera educacion entara sostenibilitat en toti es àmbits dera vida deth centre (currículum, gestion, relacions damb er entorn, eca)
- Promòir era participacion e era implicacion activa dera comunitat educativa ena milhora deth sòn entorn.
- Afavorir er intercanvi entre es centres que compartissen uns madeishi objectius.