Eth dia 18 de noveme de 2020 des 9o15’ as 14o00’ en encastre des actes dera 25au Semana dera Sciéncia, s’a realizat eth dia Dia dera Sciéncia enes Escòles impulsada pera Fundacion Catalana entara Recerca e era Innovacion (FCRI) e eth Departament d’Educacion dera Generalitat de Catalunya. Damb er objectiu d’apropar as scientifics entàs centres educatius, pr’amor de formentar es vocacions scientifiques e tecnologiques en alumnat.
Per auança ad aguesta jornada, es alumnes an trebalhat ena classa damb uns vidèus enes qu’ es investigadors ponents les explicauen era sua recerca e les plantejauen un rèpte scientific que calie resòler: extraccion d’ADN, simolar eth foncionament d’un superordenador, gestion de residus, cerca istorica de fotografies de pandèmies… Pendent era jornada, es quate scientifics an responut ua seleccions de questions des centres sus es rèptes e tanben sus es sòns airaus d’investigacion. Es quate videoconferéncies que s’an aufrit an estat:
- Intelligéncia artificiau, Armand Vilalta (investigador del Barcelona Supercomputing Center).
- Epidemiologia, Natàlia Rodríguez (investigadora d’ISGlobal i metge de l’Hospital Clínic).
- Genetica, Gemma Marfany (investigadora del Departament de Genètica, Microbiologia i Estadística de la Universitat de Barcelona).
- Sostenibilitat, Sílvia Lacorte (investigadora de l’Institut de Diagnosi Ambiental i Estudis de l’Aigua, IDAEA-CSIC).
Es destinataris der acte an estat es alumnes de 3au e 4au d’ESO e an participat mès de 300 centres. Er Institut d’Aran a participat enes rèptes d’epidemiologia, de genetica e dera sostenibilitat. Enes imatges que seguissen podetz veir es rèptes trebalhadi per Institut d’Aran qu’an estat enter es seleccionadi e s’an presentat ena jornada. Tanben se les a citat en un vidèu que se premanic entà mostrar es lordères que se pòden trapar enes bòsqui d’Aran.
Des deth CRP Val d’Aran vos felicitam(alumnat e professorat) e vos reconeishem er esfòrç hèt!!
Era jornada se pòt recuperar en aguest enlaç.
