Era Fundacion Catalana entara Recèrca e era Innovacion (FCRI), damb eth supòrt deth Departament d’Educacion, organize era 27au edicion dera Setmana dera Sciéncia, que se celebrarà deth 12 ath 21 de noveme, en tota Catalonha.
Era activitat “Era sciéncia en prumèra persona” que es celebrarà eth dia 16 de noveme peth maitin s’enquadre ena Setmana dera Sciéncia, damb era finalitat de fomentar vocacions scientifiques e tecnologiques entre er alumnat deth nòstre país, apropant es e eres scientifiques as instituts.
Enguan es manten era modalitat virtuau e participaràn es alumnes de tresau e quatau dera ESO de tota Catalonha.
En aguesta activitat es alumnes auràn de visionar un vidèo, en ores lectives, a on es plantege un rèpte qu’auràn de solucionar. Posteriorament auràn d’enviar fotografies ath torn dera investigacion sus eth rèpte e es qüestions que volguen formular as scientifics convidadi. Es scientifics participaràn eth dia 16 de noveme peth maitin a trauès de youtube e en dirècte, a on explicaràn era sua tasca tant des deth punt de vista scientifiquic coma uman e tanben responeràn as qüestions formulades pes alumnes.
Es prepausen 4 grans tèmes entà tractar damb es següents ponents:
Biologia Marina: Ariadna Martinez (ICM – CSIC)
Quimica: José Ramón Galán-Mascarós (ICIQ)
Matematiques: Marià Cano físic i professor de matemàtiques d’ensenyament de secundària
Energia: Lucile Bernadet, Radostin Stefanov, Kosova Kreka i Juan Carlos González, grup de recerca de Nanoiònica i Piles de combustible de l’Institut de Recerca en Energia de Catalunya (IREC)
Es alumnes de tresau dera ESO der Institut d’Aran participaràn en rèpte sus era energia.
