Damb motiu deth Dia Mondiau deth Reciclatge, que se celèbre eth 17 de mai, eth Conselh Generau d’Aran, er Ajuntament de Vielha e Mijaran, e es associacions: Associacion Aranesa peth Patrimòni Naturau e Nomad Reels, an organizat era campanha “Hè un Pensament” entà implicar ara ciutadania e associacions araneses entà remassar es residus des camins e montanhes d’Aran.
Per miei d’aguesta campanha, se sajarà de promòir eth suenh dera natura a trauès der espòrt autant coma conscienciar dera importància de mantier net e liure de residus eth paisatge e miei ambient dera Val d’Aran. Pr’amor dera pandèmia, era remassada s’aurà de realizar respectant es mesures de seguretat e eth limit de persones establit en aqueth moment.
Entà implicar ara mainadera aranesa, se balharà materiau as centres pr’amor d’explicar en bèra classa de tutoria o de sciéncies naturaus aguesta campanha:
- Repartint eth pannèu tà colorejar..
- Anar a remassar lordèra quinsevolh dia dera setmana mès sustot eth dimenge enes camins e montanhes d’Aran, damb era app Litterati en tot méter eth còdi 780132 entà arténher er objectiu conjunt de remassar 2.000 residus des nòstes montanhes.
- Rebrembar usar guants reutilizadi e hèr remassada selectiva quan se pogue.
- Publicar ua fòto des residus recuelhudi damb pannèu escriuent eth hagstag #hèunpensament etiquetant ath @conselharan.
- Es inscrits poiràn recéber un present en diuèrsi punts deth Naut Aran, Mijaran e Baish Aran. Un viatge inscrits vos haram arribar eth vòste numèro de reciclador/a tà que lo pogatz escríuer en pannèu.
Tà inscríuer-se ena campanha, s’a d’enviar un correo electronic a: residus@aran.org damb es donades des participaires.
Se as quinsevolh dobte o vòs ampliar era informacion, pòs telefonar ath 973 64 18 01 e demanar pera campanha Hè un Pensament.
