Ua prepausa d’iuèrn “Eth gèu se delís, era Tèrra s’escauhe e…?” entàs escòles e instituts, a on s’aproparàn es scientifics e scientifiques as centres entà commemorar eth Dia Internacionau des Montanhes, que se celebrarà er 11 de deseme.
Un des actes principaus serà ua webinar a cargue de Kílian Jornet coma moderador de tres scientifics com son Fernando Valladares, deth CSIC que mos parlarà des sistèmes d’alèrta deth cambi climatic, era alteracion dera biodiversitat e era regulacion des poblacions. Núria Catalán, membre deth “ Laboratoire des Sciences du Climat et l’Environnement (LSCE) que mos parlarà deth permafròst e eth sòn ròl en clima, eth cicle deth carbòni e era importància de mantier es wetlands e tanben deth cambi de patron nhèu-pluja. Finaument auram a Pascal Egli, investigador en recèrca sus es glacièrs, que mos parlarà deth collapse des glacièrs, era prevision des glacièrs as Alps e es Pirinèus e des conseqüéncies des extincions des glacièrs. Tanben es compdarà damb ua charrada damb un parelh d’activistes mieiambientaus entà balhar as joeni idèes entà actuar en favor deth miei ambient.
Aguest acte anarà acompanhat d’uns miniclips educatius entà enténer conceptes e demorarà enregistrat entà poder èster visionat posteriorment ath dia dera estrea. Despús deth dia 11 de deseme, serà disponible e daurit entà toti. Es escòles e instituts inscrits poiràn enviar preguntes entà hèr as scientifics e scientifiques. Ací auetz eth trebalh prèvi: escòles e instituts
Posteriorment tot aguest trebalh s’expausarà en bèra sala de Barcelona entà visibilizar ce què pensen e creen es joeni de Catalonha sus aguest tèma tan actuau.
Inscripcion ara webinar
Entà mès informacion
