Eth dia 20 de noveme, Dia Internacionau des drets dera enfantesa, des dera ASEAF (Associacion Estatau d’Acuelhement Familiar) celebren eth Dia deth Pijama, damb er objectiu de dar visibilitat ara mainadèra e joeni que viuen en centres d’acuelhuda (17.000 nens, nenes e adolescents en tota Espanha) , conscienciar sus eth dret de toti era mainadèra a víuer damb ua familha e crear ua cultura dera acuelhuda mejançant era difusion, sensibilizacion e conscienciacion sociau.
Enguan, er acte principau enes escòles se celebrarà eth 18 de noveme, entà coïncidir damb era jornada lectiva.
Er alumnat d’Infantila e Primària anarà ara escòla vestit en pijama entà visibilizar era realitat que viuen lèu 17.000 mainatges e mainades en Espanha, es quaus creishen en centres d’acuelhuda. Eth pijama simbolize es moments en familha e era calor deth larèr quan es mairs e pairs legen un conde as sòns hilhs e hilhes abans d’anar-se’n a dromir. Un moment en qué era mainadèra se sentís protegida, estimada e segura. Ath delà, ath long deth dia, es realizaràn diferentes activitats coma lectures de condes ena classa, projeccion de materiau audiovisuau sus era enfantesa tutelada, eca.
Enes corsi superiors, tanben es poiràn realizar activitats de conscienciacion sus era enfantesa tutelada e era acuelhuda familiar, com eth visionat de pellicules, concors de relats, eca.
