Conferéncia “Aprendissatge Basat en Projèctes STEM”

Es Servicis educatius d’Aran e Alta Ribagorça vos conviden tara conferéncia:

“APRENEDISSATGE BASAT EN PROJÈCTES STEM”

Videoconferéncia on se presentaràn diuèrses tipologies des projèctes ABP, damb exemples realizadi en aula, a on se comentaràn es sues aportacions tàs STEM. En concret se parlarà sus:

• Coma dessenhar e avalorar projèctes ABP STEM restacats as diuèrsi components didactics (Contèxte, Conflicte, Discors, Contenguts, Dubertura e Interdisciplinarietat).
• Quines aportacions STEM pòt hèr cadun des projèctes.

En tot clicar aciu podetz veir era conferéncia

Era conferéncia serà a cargue de Jordi Domènech Casal, Doctor en Biologia e Licenciat en umanitats.

Professor de Segondària en l’Institut Marta Estrada de Granollers e professor associat deth Departament de Didactica dera Matematica e des sciéncies experimentaus dera UAB.

A collaborat coma assessor en desparièrs projèctes d’innovacion en educacion, coma eth programa STEAMCat deth Departament d’Educacion o es programes Pathway e Engaging Science, dera Comunitat Europea. Participe enes espacis d’innovacion e recerca educativa LIEC-UAB, EduWikiLab i Betacamp.

A publicat mès de 80 articles sus didactica generau e des sciéncies. Ei tanben autor deth libre “Aprenentatge Basat en Projectes, Treballs pràctics i Controvèrsies. 28 experiències i
reflexions per a ensenyar Ciències” (2019), et quau recebec eth prèmi Marta Mata d’ensag educatiu. Es autor deth blòg Pupitrelàndia.