Eth passat 7 d’abriu eth CRP acuelhec as alumnes der Institut d’Aran que presentauen ena jornada es sòns trebalhs de recèrca , conjuntament damb alumnes de d’auti parçans de l’Alt Pirinèu. Enguan, aute viatge, eth format estec virtuau, damb sales simultanèes previstes entara presentacion de vint-è-sies trebalhs de recèrca.
Arregraïm as nòsti joeni qu’agen volut compartir damb toti nosati es sòns trebalhs de tematiques fòrça variades e un pialòt interessants.
Era jornada se dauric damb es paraules de Carles Fuentes, director deth CRP. Ara seguida Pere Porta, director der IDAPA, que collabòre ena jornada, presentèc eth libe: “Recull de treballs de recerca d’alumnes de 2n debatxillerat. Jornades InvesJove XIV a l’Alt Pirineu i Aran”, qu’arremasse es trebalhs de recèrca dera passada edicion.
Tanben i sigueren presents representants dera administracion educatiua e des institucions politiques der Alt Pirinèu e Aran.
Era jornada tanben compdèc damb era intervencion de dues scientifiques, ua der encastre umanistic-sociau, Katia Nuñez, e auta der encastre, scientific-tecnologic, Gemma Marfany.
Es alumnes compartiren ua estona damb Amador Marqués que les balhèc eth sòn supòrt e eth deth Conselh Generau, que les aufric un petit present.
