S’apròpe eth dia 8 de març e des deth nòste espaci, volem ahiger-mos as actes reivindicatius en tot aufrir un recuelh d’activitats entà visibilizar era coeducacion:
- En blòg deth programa Coeduca’t podetz trapar fòrça recorsi. Destacam un materiau plan polit elaborat pera associacion Drac magic qu’ ei format per ues capsules formatiues qu’an er objectiu de promòir era educacion damb ua perspectiua de gènre, fomentant ua guardada liure d’estereotipes. En aguest materiau i a 4 capsules formatiues entà cadun des cicles educatius: Ed. Infantila, Cicle iniciau, Cicle miei, Cicle superior d’ Educacion primària e era Educacion segondària. Es capsules formatiues son pensades entà èster dinamizades en 1 ó 2 ores. Cadua des unitats a ua introduccion en encastre teoric entà facilitar era contextualizacion e ara seguida uns materiaus entar analisi, coma fragments de pellicoles, publicitat, fotografies, cançons, eca…en tot prepausar ua dinamica entara aplicacion educatiua.
- Jòc des 100 fites deth feminisme a on s’explique era prepausa damb es instruccions deth jòc, eth pannèu e pegosolets deth jòc. S’auetz cap problèma entà utilizar es materiaus podetz contactar damb mireiafontanet@gencat.cat.
