Eth pròplèu dia 11 de hereuèr aurà lòc ena sala dera audiovisuau de Vielha, ua conferéncia damb eth titol “Viatge d’un fàrmac al cervell”, a cargue dera scientifica Meritxell Teixidó, membre der Institut de recerca biomedica de Barcelona. Era Sra Teixidó ei doctora en quimica, damb més de 50 articles scientifics publicadi e damb era participacion en 6 patents. Eth sòn trabalh se desvolope en estudi deth tractament des malauties qu’afècten en sistèma nerviós centrau.
Era charrada , que se desvolope en encastre des jornades pera visualizacion des hemnes ena sciéncia, se realizarà des 9,30 tàs 11,30, damb era participacion der escolanat deth 1èr cors dera ESO. Aguesta activitat compde damb eth supòrt der Ajuntament de Vielha e Mijaran.
En tot clicar aciu poiratz veir mès informacion sus es hemnes ena sciéncia.
