Eth dia 11 de hereuèr celebram eth Dia Internacionau des Hemnes e mainades ena Sciéncia. Mès de 450 #100tífiques s’an connectat damb 480 escòles e instituts entà explicar ar escolanat que pòden arténher a èster sò que volguen. Er objectiu dera jornada ei normalizar eth trebalh dera recerca scientifica, especiaument en gènre femenin, en tot trincar es estereotipes e prejudicis e demorant desvelhar es vocacions scientifiques en alumnat.
Entà trebalhar era jornada er alumnat deth prumèr cos d’ESO der Institut d’Aran an realizat ues activitats a on les an demanat de sajar d’imaginar coma ei era ponent e quin ei eth motiu peth quau se dedique ara sciéncia. Ara seguida an visionat ua produccion de 10 menutes presentat per Laia Servera, der InfoK, e Jennifer Smith, enginhèra e guanhaira deth concors de Monòlegs deth Club dera Sciéncia de l’FCRI en tot presentar “La complexitat dels números”. An particpat ena conferéncia realizada pera ponent Sandra Ruiz Gómez der ALBA Synchrotron (acompanhada d’ua collaboradora sua) Fin finau en acabar era conferéncia, er alumnat a auut era oportunitat de demanar as scientifiques tot sò qu’an volut conéisher sus eres (personau e professionau).
Eth programa a estat eth que seguís:
|
10:50h
|
Projeccion deth vidèu:
– “La complexitat dels números” Damb era introduccion de Laia Servera, presentadora der InfoK e Jennifer Smith, monologuista e enginhèra industriau, guanhaira dera dusau edicion deth Concors Monòlegs deth Club dera Sciéncia (Semana dera Sciéncia 2020)
|
|
11:00h– 12:00h
|
Connexion en dirècte damb era tua #100tífica
|
