Ginys

Formacion Dessenh Universau entar Aprenedissatge

admin27/03/26  

Ja pòdes hèr era inscripcion as naui nivèus entà aprigondir en Dessenh Universau entar Aprenedissatge.

Dessenh Universau entar aprenedissatge nivèu 2

Aguesta informacion ei adreçada as professionaus que dispausen deth certificat de DUA Basic, o era activitat autoformatiua telematica Introduccion ara educacion inclusiua: Intensitat de mesures e supòrts e eth dessenh universau entar aprenedissatge.

Accès as inscripcions 

Dessenh Universau entar aprenedissatge nivèu 3

Aguesta informacion ei adreçada as professionaus que dispausen deth certificat de DUA intermiei o DUA nivèu 2.

Accès as inscripcions 

Començament: Setmana deth 13 d’abriu (dia segon grop escuelhut). 

Podetz trapar mès informacion: aciu

Espòrt adaptat ara escòla

admin17/03/26  

Era Deputacion de Lhèida trebalhe conjuntament damb era Federacion Catalana d’Espòrts de Persones damb Discapacitat Fisica (FCEDF) damb era fin de crear consciéncia e fomentar tant era sensibilizacion respècte er espòrt adaptat coma era acceptacion dera diversitat e era singularitat des persones.
Laguens d’aguest encastre, era… Llegeix més»

XIX Jornada InvesJove

admin06/03/26  

Eth passat  5 de març se celebrèc era XIX Jornada INVESJOVE, investigacion e recèrca ena educacion segondària,  en Institut d’Aran. Era conferéncia inaugurau estec a cargue de d’Alba Aizpuru Gómez damb eth titol :  Desenvolupament i l’avaluació de noves estratègies terapèutiques per a la síndrome de Williams–Beuren (WBS).

Assistiren coma escotaires,  er alumnat de 1èr de Bachilierat der Institut d’Aran e der Institut deth Pònt de Suert , 85 alumnes apruprètz. S’expausèren  23 trebalhs de recèrca d’alumnes de 2on de Bachilierat des instituts d’Aran e de Pont de Suert  de tematiques ben diuèrses, bères ues relacionades damb eth territòri pirinenc, e d’ua grana qualitat . Es presentèren trebalhs en catalan, aranés, castelhan e anglés, en tot aportar pautes, recorsi e estratègies ar alumnat de 1èr de Bachilierat entà elaborar e redactar es trebalhs de recèrca que tot just an començat.

En aguest acte tanben se presentèc eth libre qu’amasse toti es trebalhs presentadi enes 4 Jornades INVESJOVE  2025 en format digital e qu’ei finançat per IDAPA.

Era organizacion d’aguestes Jornades, que dejà complissen es XIX edicions, es realize des des Servicis Educatius de l’Alta Ribagorça- Val d’Aran, des Pallars e dera Cerdanya.

Aran en pòdcast

admin03/03/26  

 

 

 

 

 

 

 

 

Eth passat diuendres 27 de hereuèr se presentèc “Aran en PòdCast“, un nau projècte finançat peth Conselh Generau d’Aran damb era iniciativa de prebotjar er aranés en tot difoner-lo a trauès des naues tecnologies.


Er objectiu d’aguest pòdcast, condusit per Àlvar Ordoñez, ei apropar era lengua ara ciutadanetat e, en especiau as joeni, en tot crear contengut atractiu e adaptat as naui formats digitaus. 

Es capítols se poiràn seguir en:

  • ️YouTube (version longa damb video e audio).
  • Spotify (version en audio).
  • Instagram (recuelh des milhors moments des entrevistes)

Compartim damb vosati eth prumèr capítol d’Aran en PòdCast a on poiratz escotar era entrevista ath joen pilòt d’automobilisme aranés, Mari Boya.

I Recitau Escolar de Poesia en Aranés

admin03/03/26  

Des des Servicis Educatius s’organize eth I RECITAU ESCOLAR DE POESIA EN ARANÉS adreçat ara mainadèra d’infantila e prumèr cicle de primària, damb er objectiu de hèr a conéisher eth nòste auviatge literari, fomentar era creacion literària, era expression orau en aranés e compartir un maitin de celebracion damb era mainadèra mès petita des nòstes escòles. 

Eth recitau es celebrarà coincidint damb eth Dia Mondiau dera Poesia; eth 21 de març, que coma què en dissabte, serie eth maitin deth diuendres 20 de març.

XIX Jornada InvesJove

admin02/03/26  

 

 

 

Eth pròplèu 5 de març se celebrarà era XIX Jornada InvesJove en Institut d’Aran, ua trobada qu’a coma objectiu potenciar era recèrca e era investigacion entre er alumnat dera educacion segondària der Alt Pirineu e Aran.

S’expausaràn 23 trebalhs de recèrca d’alumnes de 2on de Bachilierat des instituts de d’Aran e de Pont de Suert  de tematiques ben diuèrses, bères ues relacionades damb eth territòri pirinenc, e d’ua grana qualitat.

Programa_XIX_Jornada_Invesjove_Vielhat

 

XIII Jòcs Floraus Escolars de Catalonha

admin02/03/26  

Eth  Departament d’Educacion e Formacion Professionau convoca els XIII Jòcs Floraus Escolars de Catalonha damb  er objectiu de pròmoure l’escriptura autant en pròsa com en poesia.

Eth termini d’inscripcion finalize eth pròplèu 27 de març de 2026 e eth darrèr dia entà balhar es òbres serà eth 28 d’abriu de 2026. Entà participar, vos demanam que ramplitz aguest formulari d’inscripcion.

Ací auetz es Bases des XIII Jòcs Floraus Escolars de Catalonha des categories de tèxti escrits. Veiratz qu’interpellen ar escolanat de primària e segondària autant en pròsa coma en poesia. Totes es categories de primària e es categories de segondària damb escolans/es damb besonhs especifics de supòrt educatiu son autant individuaus coma collectives (minim de tres escolanes, max. de cinc; enes ZER s’accèpten dues escolanes).

Es bases dera Categoria H Conde audiovisuau, non son publicades de moment.

En blòg Conde audiovisuau illustrat  traparatz ua prepausa entà trabalhar eth conde audiovisuau coma projècte de trabalh interdisciplinari atau coma un listat de recorsi d’audio e vidèo entà crear eth conde audiovisuau.

Mès endeuant, des deth CRP, se vos compartirà ua carpeta DRIVE entà balhar es produccions escrites deth vòste escolanat en format PDF

Pagesia e escòla – Espaci d’airines entara accion educativa

admin02/03/26  

En encastre dera collaboracion entre Unió de pagesos, eth Departament d’Educació e era Diputació de Barcelona s’arringue un projècte entà apressar eth mon rurau as aules. S’agrope tot eth materiau en ua plana web  que s’estructure a compdar de diferents sectors productius. 

Laguens de cadun traparatz materiaus organizadi en blòcs tematics, ua situacion d’aprenedissatge contextualizada en format editable que permet as docents introdusir coneishements ena aula de forma sistematizada e un document damb auti contèxti relacionadi, entà auer mès opcions e ajustar-se as diferentes realitats des centres educatius.

En menú superior traparatz tanben arremassades totes es situacions d’aprenedissatge, ua lista d’explotacions visitables localizades en un mapa interactiu damb era informacion de besonh entà hèr ua visita e un amàs d’autes activitats relacionades.

Naues documentacions pedagogiques deth 3-6

admin02/03/26  

Ena web deth nou currículum, en apartat dera Educacion Infantila, traparatz ua colleccion de documentacions pedagogiques variades e suenhosaments seleccionades. 

Recentments s’a ampliat aguest aufèrta damb tres NAUES documentacions pedagogiques deth segon cicle dera educacion infantila (3-6 ans).

Pendent eth cors, es contunharà farcint aguesta colleccion damb mès exemples des dus cicles. Entà veir-les, clicatz ACÍ o dessús dera imatge.