Pirineu Lector ei un projècte prebotjat pes Serveis Educatius de l’Alt Pirineu i Aran, damb eth supòrt deth Programa per a la Millora de la Presència de les Arts i la Cultura en l’Educació e era collaboracion des bibliotèques publiques dera vegaria.
Er objectiu deth projècte ei fomentar era lectura en familha e hèr a conéisher autors, autores e òbres restacades ath nòste territòri.
Entà hè’c possible, cada centre educatiu, arreceberà punts de libre personalizadi damb recomanacions lectores entà cada cicle educatiu. En cada punt i traparatz:
- Ua prepausa de lectura tà hèr en familha.
- Un còdi QR que mos pòrte tara plana web deth projècte, a on i a fòrça informacion e ua activitat tà compartir.
- E era imatge grafica comuna dera campanha.
Damb aguesta campanha, qu’arribarà ath conjunt der alumnat dera Educacion Infantila e Primària, es vòlen crear naues escadences entà descobir eth plasèr de léger, reforçar es ligams familhars e desvelhar era imaginacion des de ben petiti.
