Es centres educatius que solliciten era aquisicion dera Copòla, eth holable a on se projècten contenguts audiovisuaus que meten en valor era produccion alimentària en encastre rurau, tanben auràn era opcion d’utilizar es jòcs collectius qu’ajuden a ampliar e aquerir concèptes e objectius que cerque arténher aguest projècte.
Aguestes activitats permeten ara mainadèra, de cicle mejan e superior, trebalhar en grop, interpretar taules e mapes, analisar e reflexionar sus disparières problematiques, interactuar orauments… Son dessenhades entà qu’es mèstres les posquen dinamizar facilaments a compdar d’un explic e d’uns materiaus que les acompanhen e es pòden montar simultanèaments quan s’installe era Copòla, ja sigue en pati, en ua plaça o enes aules.
Es jòcs aufridi son es següents:
1. De qué me parles? Definicion de concèptes restacadi damb era produccion e comercializacion alimentària.
2. A on sò? Situacion de diferentes fotografies d’aliments e densitats de populacion en un mapa gigant de Catalonha, a compdar dera lectura d’estadistiques e mapes.
3. D’a on vengui e tà on vau? Jòc de cartes entà conéisher era origina, eth/era productor/a, eth punt de venda e un plat tipic de diuèrsi productes agroalimentaris deth mon rurau catalan.
4. Com crompam? Corsa de relèus entà cromprar aliments de forma responsabla e posteriora analisi des donades entà avalorar es conseqüéncies dera nòsta crompra.
5. What’s in the menu? Jòc de ròl en anglés simulant ua interaccion en un restaurant Slowfood.
6. Qué passarà? Dialòg en grops redusits sus es implicacions d’ua situacion ipotetica ena qu’era gent que trebalhe en sector primari abandone eth sòn trebalh, e era elaboracion de prepauses entà que non passe.
