Eth diuendres 25 d’abriu se celebrèc eth prumèr English Day e Journée de la Francophonie dera Val d’Aran en Palai d’Espòrts de Vielha.
Era jornada, promòiguda pes Serveis Territorials d’Educació a Alt Pirineu i Aran, a estat organizada pes Servicis Educatius dera Val d’Aran e es mèstres e professors que formen part deth seminari de Lengües Estrangères d’enguan. Se sage d’ua jornada ludica pedagogica que vò fomentar er escambi entre es disparièrs centres dera Val d’Aran e er emplec des lengües estrangères en un contèxte ludic e foncionau.
Ena jornada participèc tota era mainadèra de 6au de primària des escòles de Les, Bossòst, Vielha, Es Bòrdes, Arties, Gessa e Salardú. Er eveniment siguec dinamizat per alumnat de 4au d’ESO der INS d’Aran e er alumnat deth grad superior d’Allotjaments turístics der INS d’Ostalaria. En totau, s’amassaràn 186 escolans e escolanes entà gaudir des lengües estrangères.
Era presentacion siguec a cargue der alumnat de francés deth CFA.
Entà acabar, eth grop BHM aufric ua representacion teatrau en lengua francesa ena escòla Garona, finançada pes Serveis Territorials d’Educació a Alt Pirineu i Aran.
