Era USAV aufrís ua accion formativa entath professorat dera Val d’Aran. Presenten eth conde Era Bici de Lola e era sua guida pedagogica associada, creada e impartida pes autores e illustradora.
Era Bici de Lola ei un conde illustrat dirigit ar alumnat d’infantila, primària e segondària entà abordar es violéncies sexuaus. Se presente coma ua lectura preventiva que proporcione esturments entà detectar e afrontar aguest tipe de violéncies. Aguest conde tracte uns des tèmes que cau auer en consideracion coma educadors e educadores mès que, enquia hè pòc, auie estat un tèma tabó, l’abús sexuau. Mejançant ues magnifiques illustracions e un tèxte simple e clar, es autores narren era istòria secrèta de Lola.
Eth conde s’envièc as centres e tanben ei en prèst en CRP.
Eth talhèr s’amiarà a tèrme eth dia 6 de març en format telematic de 17:30 a 19h, en modalitat online, a cargue des autores Alba Barbé e Laia Pibernat. Cau INSCRIPCION prèvia.
