Entà hestejar Sant Jòrdi, dues nauetats en aranés en hons dera bibliotèca deth CRP que podetz demanar en prèst!!
 |
Tòni Escala, escribana aranesa, a guanhat eth prèmi de Raconte en Occitan Les Talúries (que convocaue era Fondacion Publica Institut d’Estudis Ilerdencs dera deputacion de Lheida) en tres ocasions. Es òbres que son: Tanplan tornèc, T’i maridaràs? e Hered. Atau madeish guanhèc eth Prèmi Internacionau la Gardia en jaune, de la Gàrdia Piemontesa en Italia, damb era òbra En vacances.
A tanben publicats dus condes premiats en Aran de Literatura: Ka eth cargòlh e Moria èm perduts!, convocat peth Conselh Generau d’Aran. D’auti relats cuerti an estat premiadi enes diferentes convocatòries occitanes e Aran, quauqu’un de publicat e fòrça d’auti non. 101 Pensades, amàs poetic de Tòni Escala. Aguesta òbra ei un registre nau, en çò que tanh ara publicacion, d’aguesta autora. Tanben en poesia a quauque prèmi e fòrça per publicar. Ací ua petita part damb era quau vò hèr a veir que se pòt seguir eth camin que mos merquèren es nòsti vielhs trobadors, experimentant damb es pensaments e damb es sentiments, ena nòsta lengua. |
 |
Xavier Gutiérrez Riu ei istoriador, poèta, bibliotècari e traductor, actuaments Tecnic de Lengua en airau de Cultura e Lengua deth Conselh Generau d’Aran. Es sues òbres an estat premiades en disparières ocasions; Concors Literari en Gascon d’Anglet, enes Calams de Pau, en Concors Bigordan d’Expression Gascona de Tarba e enes Prèmis Aran de Literatura. Ei membre fòrça actiu de disparières entitats culturaus entara promocion der usatge der aranés e er occitan, activitat reconeishuda tanben damb diuèrsi prèmis. A publicat Bestiauuu! Amàs poetic de bèsties, bestiòtes e bestieses (Conselh Generau d’Aran 2019).
Nhòc de flors, amàs poetic de Tòni Escala e Xavi Gutiérrez,ei un poemari naturau, ecologic e organic, sense additius, conservants ne edulcorants, ne cap hijut que non sigue d’Aran e eth sòn entorn meravilhós de tantes e mantes riqueses. Era lengua que n’ei ua, e damb ua paraulèra tan rica e variada com era deth paisatge aranés, qu’es autors se n’an servit tan ben com saben.
|
