Eth passat diuendres, 28 de març, se cellebrèc era Semifinala dera Alta Ribagorça- Val d’Aran dera XXI edicion deth Certamen de Lectura en Veu Alta, ena Sala Audiovisuau de Vielha. Aguest certamen ei organizat pes Servicis Educatius deth Departament d’Educacion e Enciclopèdia Catalana. Participèren ueit centres educatius des dues comarques, damb 16 lectors e lectores, despartidi en quate categories; grumets vermells, grumets verds, timoners e corsaris.
Compdèrem damb era preséncia e supòrt dera Conselhèra de Coneishement deth Conselh Generau d’Aran, Angela Cases, era còsso de Cultura der Ajuntament de Vielha, Raquel Chamizo e er Inspector d’Educacion, Manel Serrabona.
Eth jurat estec compausat per tres membres restacadi damb era Cultura e era Lengua:
– Júlia Moyà Cartañà, assessora LIC de l’ Alta Ribagorça
– Ròsa Maria Salgueiro Pujós, membre der Institut d’Estudis Aranesi, directora pendent molti ans deth CRP dera Val d’Aran.
– Clara Villar Garrido, Tecnica de Lengua deth Conselh Generau d’Aran.
Er acte estec conduit per Alba Albagés, ua vertadèra amant dera literatura e era cultura e ua veu poetica que mos inspirèc.
Es finalistes qu’anaràn ara Finau territoriau en Sort eth 15 de mai son:
Grumets vermells: Emma Ibáñez Haller, dera Escola de la Vall de Boí (ZER Alta Ribagorça) La Vall de Boí
Grumets verds: Diego López Jora, escòla Sant Ròc, Bossòst
Timoners: Khiara Kirsten García Gálvez, dera escòla Ribagorçana, Pont de Suert
Corsaris: Quer Sanabria, der INS d’Aran, Vielha
Felicitats a toti e totes!!!
