Eth pròplèu 18 de noveme haram ua trobada entàs 18:00 ena Sala Sociau de Betren, conjunta damb tota era comunitat, a on validaram amassa eth diagnòstic de salut, e decidiram com volem hèr eth nòste Plan de Salut Comunitària: quines prioritats establim, com mos organitzam, qué trabalharam e de quina manèra ac hèm.
Era accion comunitària ei ua manèra de milhorar era vida en nòste territòri entre toti e totes. Ges dera idea que toti èm part dera comunitat e que, quan mos implicam e trabalham amassa, podem transformar era realitat e afrontar es rèptes que mos afècten.
Ei un procès compartit, a on cada un pòt aportar eth sòn coneishement, experiéncia o punt de vista. Era accion comunitària placa as persones en centre, da votz ara comunitat e hè possible bastir ua Val d’Aran damb mès oportunitats entà toti.
Eth prumèr pas a estat ua diagnòsi de necesitats de salut e benèstar damb populacion aranesa, qu’a metut de manifèst qüestions com era salut mentau, er abitatge, eth léser e era solitud non desirada, entre d’autes, tà compartir es resultats, explicar qué ei era accion comunitària e demanar-les era implicacion.
Penses que cau trabalhar amassa entà milhorar eth benèstar en Aran?
