Eth passat dijaus 25 de seteme se cellebrèc era Conferéncia d’inici deth cors escolar 25/26 ena glèisa Santa Maria de Mijaran en Vielha;“Com combatre la desinformació a les aules” a cargue de Laura Pinyol, vicepresidenta deth CAC, Consell Audiovisual de Catalunya.
Laura Pinyol alertèc sus era creishent preséncia de conteguts faussi e enganhossi entre era joenessa, creats damb era volontat de guanhar influéncia, obtier beneficis economics o generar conflictes sociaus. Expliquèc qu’era desinformacion pòt adoptar formes diuèrses, des dera satira o es mems enquiàs deepfakes e contenguts generats damb intelligéncia artificiau. Es conseqüéncies d’aguest fenomen son greus: aflebissen era democràcia, polarizen era societat e erosionen era credibilitat des mejans.
Era clau entà afronta’c ei era educacion mediatica. Mejançant programes com eduCAC, es centres an recorsi entà identificar hònts fiables, analizar narratives informatives e desvolupar er esperit critic.
Era session finalizèc damb un petit debat de com actuar ena aula dauant dera desinformacion.
Er acte estec organizat pes Servicis Educatius dera Alta Ribagorça e era Val d’Aran des Serveis Territorials del Departament d’Educació i Formació Professional a l’Alt Pirineu i Aran e compdèc damb era collaboracion deth Conselh Generau d’Aran e er Ajuntament de Vielha.
Ar acte i assistiren eth Cap adjunt dels SSTT Alt Pirineu i Aran, Quico Peris, eth Cap d’Inspeccion, Manel Serrabona, era coordinadora de Serveis Educatius, Silvia Díaz, eth Coordinador LIC, Eric Hernández , era Conselhèra de Coneishement deth CGA, Angelina Cases, eth cossò der Ajuntament de Vielha, Alberto López, e docents de toti es centres e tecnics docents deth nòste servici educatiu. Era conferéncia tanben es retransmetec en streaming entà toti es docents deth Servei Territorial de l’Alt Pirineu i Aran.
