Eth passat 6 de març se celebrèc era XVIII Jornada INVESJOVE, investigacion e recèrca ena educacion segondària, en Institut del Pont de Suert. Era conferéncia inaugurau estec a cargue de Ivet Eroles Palacios damb eth titol : La investigació periodística a través de “Dones al marge “ i “Bruixes de Dol”
Assistiren coma escotaires, er alumnat de 1èr de Bachilierat der Institut d’Aran e der Institut deth Pònt de Suert , 80 alumnes apruprètz. S’expausèren 24 trebalhs de recèrca d’alumnes de 2on de Bachilierat des instituts de Tremp , d’Aran e de Pont de Suert de tematiques ben diuèrses, bères ues relacionades damb eth territòri pirinenc, e d’ua grana qualitat . Es presentèren trebalhs en catalan, aranés, castelhan, anglés e francés, en tot aportar pautes, recorsi e estratègies ar alumnat de 1èr de Bachilierat entà elaborar e redactar es trebalhs de recèrca que tot just an començat.
En aguest acte tanben se presentèc eth libre qu’amasse toti es trebalhs presentadi enes 3 Jornades INVESJOVE 2024 en format digital e qu’ei finançat per IDAPA.
Era organizacion d’aguestes Jornades, que dejà complissen es XVIII edicions, es realize des des Servicis Educatius de l’Alta Ribagorça- Val d’Aran, des Pallars e dera Cerdanya.
