Eth passat dijaus 21 es presentèren en Conselh Generau d’Aran dues naues publicacions en aranés que formen part dera colleccion Garona, publicades per Pagès editors: “Es tresaurs deth bòsc”, un conde entà mainadèra a compdar de 7 ans e “Es tortugues de mare” ua novèlla entà mainadèra a compdar de 9 ans. Coma expliquèc eth sòn autor, Pere Martí i Bertran, son istòries realistes que parlen des beneficis deth contacte damb era natura e dera importància de conéisher era biodiversitat entà poder-la respèctar.
Aguest autor ei laguens deth programa “Autors a les aules” e poiratz sollicitar era visita ath vòste centre entath propèr cors.
