Presentacion deth Plan de Dinamica Educativa dera Val d’Aran

Angelina Cases, conselhèra de Coneishement, presentèc eth 5 de seteme eth 7au Plan de Dinamica Educativa dera Val d’Aran en Vielha.

Ar acte i assistiren Manel Serrabona, inspector d’educacion, es representants de disparièrs airaus deth Conselh Generau d’Aran, des Servicis Educatius dera Val d’Aran e Alta Ribagorça, des associacions e enterpreses collaboradores, e es directors e directores des centres educatius deth territòri. 

Es objectius deth Plan son:

• Promòir er usatge der aranés.
• Desvolopar iniciatives educatives que supausen un apropament ara realitat istorica, culturau, naturau e sociau deth parçan.
• Facilitar activitats motivadores entàs alumnes.
• Potenciar era implicacion des Institucions e Entitats locaus, atau coma de tota era comunautat educativa.
• Organizar activitats que faciliten era relacion d’escambi entre eth professorat e er alumnat des centres educatius deth parçan.

Coma nauetat, eth CRP a presentat era Journée de la Francophonie, er English Day e era Fira de la Carrulla.

Podetz consultar eth Plan de Dinamica Educativa dera Val d’Aran en enlaç.