Eth Departament d’Educacion met en marcha era campanha Dona la nota, ua iniciatiua adreçada a totes es escòles e instituts de Catalunya pr’amor de sensibilizar sus es conseqüéncies deth canvi climatic.
Er objectiu ei incentivar es centres educatius tà plantejar activitats e iniciatiues ath torn dera problematica e es possibles mesures entà revertir-lo. Pendent eth cors, es centres que se volguen ahíger, desvoloparan expausicions, jornades, charrades , actuacions… pr’amor de reflexionar sus eth risc deth canvi climatic e ath madeish temps ajudar a tota era comunautat educatiua a préner consciéncia sus aguest ahèr.
Eth Departament, pera sua part, organizarà activitats restacades e cercarà aliances damb institucions e entitats de tot eth país que desvolopen iniciatiues en madeish sens. Ues prepauses adreçades non sonque tar escolanat, se non tanben tàs docents a compdar dera formacion e introdusir competéncies e projèctes de trebalh entà desvolopar enes aules. Ath delà era campanha vò èster un punt d’inici entà iniciar accions sostenibles en temps.
Com a barrament dera campanha, eth dia 5 de junh de 2020, en tot coincidir damb era celebracion deth Dia Mundiau deth Medi Ambient, toti es centres de Catalunya cantaran era cançon “No ens desdibuixeu”. Un tema creat peth “Petit Taller de Cançons” e que pendent tot er an er escolanat aurà trebalhat entà poder-la interpretar ena jornada. Eth madeish dia, se celebrarà un concert damb era participacion de desparièrs grops musicaus catalans.
Eth projècte neishèc en Camp d’Aprenentatge i Servei Pau Casals (El Vendrell), i s’alinee damb es compromisi deth Govèrn deth Plan Nacionau entara implementacion dera Agenda 2030.
Se voletz mès informacion podethz clicar aciu
Se voletz cantar era cançon en casa revirada en aranés poiratz veir es subtitols en tot veir es de catalan. Aciu auetz era letra per s’ei deth vòste gust:
